Amerikalyq otbasy asyrap alǵan qazaqstandyq jigit óziniń týystaryn izdeýde, dep habarlaidy QazAqparat tilshisi.
«Meniń aǵam da, men siiaqty asyrap alyndy. Ol 2005 jyly asyrap alyndy. Onyń týǵan kezdegi aty - Andrei Shatalin. Ol shamamen 13-19 qazanda dúniege kelgen. Ár qujattaǵy kún ár túrli. Bizde onyń biologiialyq anasy Natalia Alekseevna Shatalina týraly aqparat bar. Ol shamamen 1973 jyly dúniege kelgen jáne keibireýlerdiń aitýynsha, 2012 jyly qaitys bolǵan. Qujattarda onyń Andreige deiin taǵy bir balasy bolǵandyǵy aitylǵan, sondyqtan biz olar týraly jáne basqa da baýyrlar men ápkeler týraly bilýge tyrysamyz», - dedi QazAqparat tilshisine Andreidiń qaryndasy Elizabet Aziz.
Qyzdyń aitýynsha, onyń aǵasy Qazaqstan astanasynda dúniege kelgen, sodan keiin ony Manas kóshesindegi aýrýhanada qaldyrǵan. Keiin ony elordadaǵy mamandandyrylǵan balalar úiine tapsyrady.
«Onyń anasy Aqmola oblysynyń Stepnogor qalasynda týǵan. Týý týraly kýálikte týǵan ákesiniń aty joq. Sondai-aq, biz Andreidiń biologiialyq anasynyń otbasy músheleri týraly aqparat tabýǵa tyrysamyz. Keibir málimetter boiynsha, Andrei - jartylai orys, jartylai qazaq», - dedi Elizabet Aziz.
Qazir Andrei Shatalin 19 jasta. Biz olardyń AQSh-ta qalai turatynyn suradyq.
«Iá, bizde bári jaqsy. Bul jerde biz jaqsy ómir súremiz jáne ata-anamyz jaqsy», - dep qosty Elizabet.
Sondai-aq, qyz ógei aǵasynyń biologiialyq anasynyń meken-jaiyn tapqanyn habarlady.
«Múmkin, aǵamnyń týystary nemese aǵasy/ápkeleri sol jerde turady. Mine, turǵylyqty jeri boiynsha tirkeý: Aqmola oblysy, Stepnogor qalasy, 9-shaǵyn aýdan, 38-úi, 1-páter. Naqty turǵylyqty jeri: Stepnogor qalasy, 6 shaǵyn aýdan, 40 úi, 64 páter», - dep jazdy ol.
