Foto: videodan skrinshot
Amazon kompaniiasynyń qoima operatsiialarynda jumys isteitin millionynshy robot iske qosyldy, dep habarlaidy Ult.kz.
Sondai-aq robottar parkiniń jumysyn anaǵurlym aqyldy ári tiimdi etetin jańa generativti jasandy intellekt úlgisi – DeepFleet júiesi tanystyryldy. Bul jańalyq Amazon-da adam men robot sanynyń teńesip qalǵanyn bildiredi.
Amazon robottardy eń belsendi qoldanatyn kompaniialardyń biri retinde tanymal. Eger 2021 jyly qoimalarda 350 myń robot jumys istese, búginde bul kórsetkish úsh esege jýyq ósken. Kompaniia alǵash 2012 jyly shaǵyn platforma-tárizdes robottardy engizgen bolatyn, al 2023 jyly adam beinesindegi gýmanoidty robottardy qoldana bastady. Solardyń biri – Digit. Bul 175 sm boiy, 65 keli salmaǵy bar eki aiaqty robot, ol alǵa, artqa jáne jan-jaqqa júre alady, eńkeiip, zattardy kóterip, jyljytyp, adam qolyna uqsas qurylǵylar arqyly óńdei alady.
Amazon-nyń taǵy bir jańalyǵy – Vulcan atty robot-qoldyń qoimaǵa kelýi. Bul – janasýdy seze alatyn alǵashqy robot, sol múmkindiginiń arqasynda ol tapsyrystardy oryndaý ortalyǵynda taýarlardyń shamamen 75 paiyzyn qaýipsiz ári dál jinap, ornalastyra alady.
Búginde Amazon-daǵy árbir tórt jetkizilimniń úsheýinde robottardyń kómegi bar. Al bir qyzmetkerge keletin óńdelgen sálemdeme sany 2015 jyly shamamen 175 bolsa, qazirgi tańda bul kórsetkish 3870-ke jetken. Sarapshylardyń aitýynsha, qoimalardy robottandyrý arqyly kompaniia 2030 jylǵa deiin jyl saiyn 10 milliard dollar únemdeýi múmkin. Alaida bul adam qyzmetkerleriniń bolashaǵyna alańdaýshylyq týdyryp otyr.
