فوتو: ۆيدەودان سكرينشوت
Amazon كومپانيياسىنىڭ قويما وپەراتسييالارىندا جۇمىس ٸستەيتٸن ميلليونىنشى روبوت ٸسكە قوسىلدى, دەپ حابارلايدى Ult.kz.
سونداي-اق روبوتتار پاركٸنٸڭ جۇمىسىن اناعۇرلىم اقىلدى ەرٸ تيٸمدٸ ەتەتٸن جاڭا گەنەراتيۆتٸ جاساندى ينتەللەكت ٷلگٸسٸ – DeepFleet جٷيەسٸ تانىستىرىلدى. بۇل جاڭالىق Amazon-دا ادام مەن روبوت سانىنىڭ تەڭەسٸپ قالعانىن بٸلدٸرەدٸ.
Amazon روبوتتاردى ەڭ بەلسەندٸ قولداناتىن كومپانييالاردىڭ بٸرٸ رەتٸندە تانىمال. ەگەر 2021 جىلى قويمالاردا 350 مىڭ روبوت جۇمىس ٸستەسە, بٷگٸندە بۇل كٶرسەتكٸش ٷش ەسەگە جۋىق ٶسكەن. كومپانييا العاش 2012 جىلى شاعىن پلاتفورما-تەرٸزدەس روبوتتاردى ەنگٸزگەن بولاتىن, ال 2023 جىلى ادام بەينەسٸندەگٸ گۋمانويدتى روبوتتاردى قولدانا باستادى. سولاردىڭ بٸرٸ – Digit. بۇل 175 سم بويى, 65 كەلٸ سالماعى بار ەكٸ اياقتى روبوت, ول العا, ارتقا جەنە جان-جاققا جٷرە الادى, ەڭكەيٸپ, زاتتاردى كٶتەرٸپ, جىلجىتىپ, ادام قولىنا ۇقساس قۇرىلعىلار ارقىلى ٶڭدەي الادى.
Amazon-نىڭ تاعى بٸر جاڭالىعى – Vulcan اتتى روبوت-قولدىڭ قويماعا كەلۋٸ. بۇل – جاناسۋدى سەزە الاتىن العاشقى روبوت, سول مٷمكٸندٸگٸنٸڭ ارقاسىندا ول تاپسىرىستاردى ورىنداۋ ورتالىعىندا تاۋارلاردىڭ شامامەن 75 پايىزىن قاۋٸپسٸز ەرٸ دەل جيناپ, ورنالاستىرا الادى.
بٷگٸندە Amazon-داعى ەربٸر تٶرت جەتكٸزٸلٸمنٸڭ ٷشەۋٸندە روبوتتاردىڭ كٶمەگٸ بار. ال بٸر قىزمەتكەرگە كەلەتٸن ٶڭدەلگەن سەلەمدەمە سانى 2015 جىلى شامامەن 175 بولسا, قازٸرگٸ تاڭدا بۇل كٶرسەتكٸش 3870-كە جەتكەن. ساراپشىلاردىڭ ايتۋىنشا, قويمالاردى روبوتتاندىرۋ ارقىلى كومپانييا 2030 جىلعا دەيٸن جىل سايىن 10 ميلليارد دوللار ٷنەمدەۋٸ مٷمكٸن. الايدا بۇل ادام قىزمەتكەرلەرٸنٸڭ بولاشاعىنا الاڭداۋشىلىق تۋدىرىپ وتىر.
