Foto: Aqorda
Prezident Qasym-Jomart Toqaev Amazon kompaniiasynyń aǵa vitse-prezidenti, jahandyq jáne quqyqtyq máseleler jónindegi bas direktory Devid Zapolskimen kezdesti, dep habarlaidy Ult.kz.
Kezdesýde tsifrlandyrý, bailanys jáne jasandy intellekt salasyndaǵy yntymaqtastyq máseleleri talqylandy. Memleket basshysy Amazon men Jasandy intellekt jáne tsifrlyq damý ministrligi, sondai-aq «Qazaqtelekom» arasyndaǵy birlesken jobalarǵa qoldaý bildirdi.
Yntymaqtastyqtyń negizgi baǵyttary:
-
Qazaqstan aýmaǵynda joǵary jyldamdyqty internetti qamtamasyz etý;
-
kiberqaýipsizdikti kúsheitý;
-
Qazaqstandy óńirlik spýtniktik bailanystyń habyna ainaldyrý.
Prezidenttiń Niý-Iorkke sapary aiasynda «Qazaqtelekom» men Amazon Kuiper kompaniiasy distribiýtorlyq kelisimge qol qoidy. Jobaǵa shamamen 200 million dollar investitsiia salynyp, Almaty, Aqkól jáne Aqtaý qalalarynda jerústi infraqurylym jasaqtalmaq.
Bul bastama Memleket basshysynyń tapsyrmasyna sáikes, barlyq óńirlerdi zamanaýi telekommýnikatsiia qyzmetimen qamtýǵa baǵyttalǵan.
