فوتو: اقوردا
پرەزيدەنت قاسىم-جومارت توقاەۆ Amazon كومپانيياسىنىڭ اعا ۆيتسە-پرەزيدەنتٸ, جاھاندىق جەنە قۇقىقتىق مەسەلەلەر جٶنٸندەگٸ باس ديرەكتورى دەۆيد زاپولسكيمەن كەزدەستٸ, دەپ حابارلايدى Ult.kz.
كەزدەسۋدە تسيفرلاندىرۋ, بايلانىس جەنە جاساندى ينتەللەكت سالاسىنداعى ىنتىماقتاستىق مەسەلەلەرٸ تالقىلاندى. مەملەكەت باسشىسى Amazon مەن جاساندى ينتەللەكت جەنە تسيفرلىق دامۋ مينيسترلٸگٸ, سونداي-اق «قازاقتەلەكوم» اراسىنداعى بٸرلەسكەن جوبالارعا قولداۋ بٸلدٸردٸ.
ىنتىماقتاستىقتىڭ نەگٸزگٸ باعىتتارى:
-
قازاقستان اۋماعىندا جوعارى جىلدامدىقتى ينتەرنەتتٸ قامتاماسىز ەتۋ;
-
كيبەرقاۋٸپسٸزدٸكتٸ كٷشەيتۋ;
-
قازاقستاندى ٶڭٸرلٸك سپۋتنيكتٸك بايلانىستىڭ حابىنا اينالدىرۋ.
پرەزيدەنتتٸڭ نيۋ-يورككە ساپارى اياسىندا «قازاقتەلەكوم» مەن Amazon Kuiper كومپانيياسى ديستريبيۋتورلىق كەلٸسٸمگە قول قويدى. جوباعا شامامەن 200 ميلليون دوللار ينۆەستيتسييا سالىنىپ, الماتى, اقكٶل جەنە اقتاۋ قالالارىندا جەرٷستٸ ينفراقۇرىلىم جاساقتالماق.
بۇل باستاما مەملەكەت باسشىسىنىڭ تاپسىرماسىنا سەيكەس, بارلىق ٶڭٸرلەردٸ زاماناۋي تەلەكوممۋنيكاتسييا قىزمەتٸمەن قامتۋعا باعىتتالعان.
