Prezidentikke úmitker Amankeldi Taspihovtyń Mańǵystaý oblysy boiynsha qoǵamdyq shtabynyń ókilderi Beineý aýdanynda sailaýshylarmen kezdesti. Bul jóninde QR Kásipodaqtar federatsiiasynyń baspasóz qyzmeti habarlady.
Beineý aýdanyna jumys sapary barysynda senimdi ókilder aýdanǵa qarasty alty aýyldyń, atap aitqanda Beineý, Boranqul, Turysh, Sam, Sarǵa, Eset aýyldarynyń tynys-tirshiligimen tanysyp, birqatar áleýmettik jáne óndiristik nysandardy aralady. Beineý aýdanynyń qarashańyraǵy - Sam aýylynda sailaýshylarmen kezdesý ótkizdi.
Sam aýylynda 500-den astam adam turady. Aýyl turǵyndaryna mektep-balabaqsha kesheni, meditsinalyq pýnkt, Qazposhta bólimshesi, ATS bailanys toraby qyzmet kórsetedi. Aýyldaǵy úiler gaz, elektr energiiasy jáne aýyzsýmen tolyq qamtylǵan. Aýyldyq okrýgke qarasty Noǵaity aýylynda 270-ke tarta turǵyn bar. Aimaqtyq qoǵamdyq shtab ókilderi kelgen jiynǵa eki aýyldyń da adamdary qatysty.
Is-sharada úmitkerdiń Mańǵystaý oblystyq qoǵamdyq shtaby jetekshisiniń orynbasary, senimdi ókil Telman Mataev aldaǵy sailaýdyń saiasi mańyzyna toqtalyp, kópshilikke úmitkerdiń ómirbaianyn tanystyrdy. Sondai-aq, úmitkerdiń sailaýaldy tuǵyrnamasyn jáne eńbek jolyn túsindirip berdi.
Shtab ókilderi kópshiliktiń suraqtaryna jaýap berip, búgingi eńbek adamynyń róli men ornyn aiqyndady.
Jiyn sońynda qatysýshylarǵa úgit-nasihat materialdary taratyldy.
