Qazaqstanda QR Prezidentiniń kezekten tys sailaýy óz máresine jetti. Aldyn ala Exit poll qorytyndysy da jariialandy. Osyǵan bailanysty kandidattyń biri Amangeldi Taspihov pikir bildirdi.
Amangeldi Taspihov sailaýdyń úgit-nasihat barysynda eshqandai da kedergiler bolmaǵanyn atap ótedi.
«Bizde eshqandai da kedergi bolǵan emes, úgit-nasihat jumysy barysynda eshkim jumysymyzǵa aralasqan joq. Sondyqtan, eshqandai da shaǵym joq. Óz basym 12 óńirde boldym, meniń senimdi ókilderim, jaqtastarym barlyq aimaqtardy aralap shyqty. Biz, kásipodaqtar, ózimizdi osy sailaý arqyly kórsete aldyq, meniń kózqarasymdy jaqtaǵandar bir komandaǵa jumyldyq. Meni qoldaitan kóptegen dostar taptym. Barlyq jerde de bizdi jyly qarsy alyp, qoldaýlaryn bildirip jatty», - deidi Taspihov.
Onyń aitýynsha, sailaýǵa qatysý úlken abyroi, úlken jaýapkershilik. Sondyqtan da, kandidat osy mańyzdy kezeńde ózin qoldaǵandardyń barshasyna alǵysyn jetkizdi.
«Maǵan kómek kórsetken barsha azamattarǵa alǵysym sheksiz. Osyndai adamdardyń meniń qasymnan tabylyp, maǵan qol ushyn sozyp, qoldaǵandarǵa asa rizashylyǵymdy bildiremin», dedi ol.
Eske sala keteiik, «Qoǵamdyq pikir» institýtynyń búgingi sailaýdyń nátijesine arnalǵan Exit poll boiynsha kandidat Taspihov 1,41 paiyz daýysqa ie boldy.
