قازاقستاندا قر پرەزيدەنتٸنٸڭ كەزەكتەن تىس سايلاۋى ٶز مەرەسٸنە جەتتٸ. الدىن الا ەxit poll قورىتىندىسى دا جارييالاندى. وسىعان بايلانىستى كانديداتتىڭ بٸرٸ امانگەلدٸ تاسپيحوۆ پٸكٸر بٸلدٸردٸ.
امانگەلدٸ تاسپيحوۆ سايلاۋدىڭ ٷگٸت-ناسيحات بارىسىندا ەشقانداي دا كەدەرگٸلەر بولماعانىن اتاپ ٶتەدٸ.
«بٸزدە ەشقانداي دا كەدەرگٸ بولعان ەمەس, ٷگٸت-ناسيحات جۇمىسى بارىسىندا ەشكٸم جۇمىسىمىزعا ارالاسقان جوق. سوندىقتان, ەشقانداي دا شاعىم جوق. ٶز باسىم 12 ٶڭٸردە بولدىم, مەنٸڭ سەنٸمدٸ ٶكٸلدەرٸم, جاقتاستارىم بارلىق ايماقتاردى ارالاپ شىقتى. بٸز, كەسٸپوداقتار, ٶزٸمٸزدٸ وسى سايلاۋ ارقىلى كٶرسەتە الدىق, مەنٸڭ كٶزقاراسىمدى جاقتاعاندار بٸر كومانداعا جۇمىلدىق. مەنٸ قولدايتان كٶپتەگەن دوستار تاپتىم. بارلىق جەردە دە بٸزدٸ جىلى قارسى الىپ, قولداۋلارىن بٸلدٸرٸپ جاتتى», - دەيدٸ تاسپيحوۆ.
ونىڭ ايتۋىنشا, سايلاۋعا قاتىسۋ ٷلكەن ابىروي, ٷلكەن جاۋاپكەرشٸلٸك. سوندىقتان دا, كانديدات وسى ماڭىزدى كەزەڭدە ٶزٸن قولداعانداردىڭ بارشاسىنا العىسىن جەتكٸزدٸ.
«ماعان كٶمەك كٶرسەتكەن بارشا ازاماتتارعا العىسىم شەكسٸز. وسىنداي ادامداردىڭ مەنٸڭ قاسىمنان تابىلىپ, ماعان قول ۇشىن سوزىپ, قولداعاندارعا اسا ريزاشىلىعىمدى بٸلدٸرەمٸن», دەدٸ ول.
ەسكە سالا كەتەيٸك, «قوعامدىق پٸكٸر» ينستيتۋتىنىڭ بٷگٸنگٸ سايلاۋدىڭ نەتيجەسٸنە ارنالعان ەxit poll بويىنشا كانديدات تاسپيحوۆ 1,41 پايىز داۋىسقا يە بولدى.
