Búgin Taldyqorǵan qalasyndaǵy Til saraiynda, oblystyq Qoǵamdyq keńestiń otyrysynda keńes músheleriniń aldynda Almaty oblysynyń ákimi Amandyq Batalov esep berdi, dep habarlaidy "Ult aqparat" aimaq basshysynyń baspasóz qyzmetine silteme jasap.
Óńirdiń 2019 jylǵy áleýmettik-ekonomikalyq damý qorytyndylary týraly baiandamasynda oblys ákimi A.Batalov negizgi salalardaǵy kórsetkishterge toqtaldy. Máselen, 2019 jyly óndiriste 6,4% ósimmen 949 mlrd. teńgeniń ónimi óndirildi. Biylǵy oblys biýdjeti 586 mlrd.teńge qurady, sonyń 343 mlrd. teńgesi, iaǵni 58%-i áleýmettik salaǵa baǵyttalyp otyr. Jalpy quny 4,9 trln. teńge bolatyn, 40 myń jumys ornyn quratyn 422 jobany qamtityn investitsiialyq portfel qalyptastyryldy. Olardyń arasynda investitsiialyq kólemi 94,5 mlrd.teńge bolatyn «Jetysý volframy» ken óńdeitin zaýyt, quny 40 mlrd. teńgelik «Prima-kus» qus fabrikasy, quny 47 mlrd. teńge bolatyn «Alatsem» tsement zaýyty jáne basqalary bar. Osy sharalardyń barlyǵy 2025 jylǵa qarai eńbek ónimdiligin eki esege, investitsiia kólemin – 1,6 ese, shikizattyq emes eksportty 1,8 ese kóbeitýge múmkindik beredi.
Sol siiaqty oblys basshysy agrarlyq saladaǵy jetistikterdi de atap ótti. «Jyl saiyn qant qyzylshasy alqabyn ulǵaita otyryp 14 myń gektarǵa, al qant óndirýdi 51 myń tonnaǵa jetkizdik. Biz qajetti tehnikalary bar servistik-daiyndaý ortalyqtaryn qurdyq, joǵary sapaly tuqymdarmen qamtamasyz etip kelemiz, alaida ónimdilik 380-390 tsentnerden aspaidy. Sondyqtan, aýyspaly egisti túbegeili ózgertip, gektarynan keminde 400-450 tsentner ónim alýdy qamtamasyz etý mindetin qoiamyn», - dedi A. Batalov. Sonymen qatar baq ósirý, kartop sharýashylyǵyn jolǵa qoiý, sýarmaly jerlerdi ainalymǵa engizý, mal sharýashylyǵyn órkendetý baǵyttary jaily baiandady.
- Men osy jiynnyń aldynda amerikalyq «Tyson Foods» kompaniiasynyń ókilderimen kezdestim. Oblystyń investitsiialyq múmkindikteri týraly baiandap, iri et óńdeý komibinatyn bizdiń óńirge salý týraly keńinen áńgimelestik. Osy joba iske asyrylsa 190 mlrd. teńge investitsiia tartylatyn bolady. Keshenniń qýaty jylyna 500 myń bas iri qara etin óńdeýge jetedi. Ony qamtamasyz etý úshin iri qara maldyń jáne mal bordaqylaý alańdarynyń sany jetkilikti bolýy kerek, - dep atap ótti A. Batalov.
Osy jiynda oblys basshysy memlekettik baǵdarlamalar negizinde júrgizilip jatqan turǵyn úi qurylystary, sonyń ishinde az qamtylǵan jáne kóp balaly otbasylardy qoljetimdi baspanamen qamtý sharalaryn da basa aitty. Bul rette metsenattar da zor qoldaý kórsetip otyrǵanyn rizashylyqpen jetkizdi. Máselen, kúni keshe ǵana Qapshaǵai qalasynda biznesmender 30 otbasyǵa, sonyń ishinde múgedekterge, kóp balaly otbasy men jetim balalarǵa jańa salynyp jatqan turǵyn úi kesheninen 30 páter satyp alyp bergen. Ótken jyly demeýshilerdiń qarajatynan jalpy sany 200-ge jýyq kóp balaly otbasy úili boldy. 2020 jyly barlyq baǵyttar boiynsha jalpy 3600 otbasyn, sonyń ishinde 2400 az qamtylǵan jáne kóp balaly otbasylardy turǵyn úimen qamtý kózdelgen. Budan ári jyl saiyn 1 mln. sharshy metrden astam turǵyn úi iske qosylady dep josparlanyp otyr.
Sondai-aq Amandyq Batalov óz baiandamasynda gazdandyrý, aýyz sýmen qamtý, úsh aýysymdy mektepter máselesin sheshý, densaýlyq saqtaý salasyndaǵy jumystardy da umyt qaldyrǵan joq. «Respýblikalyq biýdjetten óńirge 35 jedel járdem kóligi alyp beriledi. Men Jedel járdem qyzmetiniń jumysyn jedeldetý men jaqsartý úshin oǵan qosa taǵy 35 kólikti jergilikti biýdjet esebinen alyp beremiz dep sheshtim», - dedi oblys basshysy.
Osy oraida «Aýyl – el besigi» baǵdarlamasynyń eldi mekenderdi kórkeitýdegi úlesin atap ótti. 2020 jyly baǵdarlama aiasyndaǵy jumystarmen 14,4 mlrd. teńgege 21 aýyl qamtylatyn bolady.
Taldyqorǵan qalasyn damytý josparlaryna, týrizm, jastar saiasaty, qoǵamdyq tártipti saqtaý salalaryndaǵy isterge de toqtaldy. Sóziniń sońynda:
- Elbasynyń, Prezidentimizdiń alǵa qoiǵan mindetterin oryndaýda biz barlyq salalar boiynsha jaqsy kórsetishterge jettik. Investitsiia tartý, jańa jumys oryndaryn ashý, halyqtyń ál-aýqatyn arttyrý – budan bylai da basym baǵyttarymyz bolyp qala bermek, - dedi A. Batalov.
Munan soń keńes músheleri túrli taqyrypta saýaldaryn qoidy. Suraqtar negizinen Taldyqorǵan qalasynyń kóshelerin jóndeý, elektr energiiasynyń tarifi, gaz tartý jumystarynyń quny, Taldyqorǵandaǵy Halyqqa qyzmet kórsetý ortalyǵynyń júktemesi kóp ekendigi, aýlalardy jóndeý, dáriger jetispeýshiligin boldyrmaý sharalary, múgedekterge arnalǵan ońaltý ortalyǵynyń qurylysy, jol qaýipsizdigi máselesi, onkologiialyq aýrýdyń aldyn alý men emdeý sharalary taqyryptaryn qamtydy.
Jaýap berý barysynda belgili bolǵanyndai, Taldyqorǵan qalasynda salý josparlanyp otyrǵan ońaltý ortalyǵynyń qazirgi kezde jobalaý-smetalyq qujattary daiyndalýda. Al onkologiialyq aýrýlardy erte kezden anyqtaityn Jaǵdaiattyq ortalyq jumysy búgingi kúni óz tiimdiligin kórsetip otyr. Dáriger jetispeýshiligi máselesin sheshi úshin S. Asfendiiarov atyndaǵy Qazaq ulttyq meditsina ýniversitetimen kelisim jasalǵany, kelgen jas mamandarǵa áleýmettik jeńildikter jasalatyny, meditsina mamandaryna arnap Taldyqorǵan qalasynda arnaiy turǵyn úi salý josparda bar ekeni aityldy. Sol siiaqty oblys ákimi Taldyqorǵan qalasy ákimdigine jańa shaǵyn aýdandaryndaǵy kóp qabatty úilerdiń birinshi qabatynan halyqqa qyzmet kórsetý ortalyǵyn salý týraly usynys engizýdi tapsyrdy. Oblys ákimi ózine qoiylǵan barlyq suraqtarǵa tyńǵylyqty jaýap berdi.
Otyrys barysynda oblystyq máslihattyń hatshysy Sultan Dúisembinov te habarlama jasap, atqarǵan jumystarynan habardar etti.
Jiyn sońynda oblys ákimi men oblystyq máslihat hatshysynyń baiandamalary nazarǵa alynyp, ákim jumysyna oń baǵa berildi jáne qaralǵan máseleler boiynsha qarar qabyldandy.
