بٷگٸن تالدىقورعان قالاسىنداعى تٸل سارايىندا, وبلىستىق قوعامدىق كەڭەستٸڭ وتىرىسىندا كەڭەس مٷشەلەرٸنٸڭ الدىندا الماتى وبلىسىنىڭ ەكٸمٸ اماندىق باتالوۆ ەسەپ بەردٸ, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
ٶڭٸردٸڭ 2019 جىلعى ەلەۋمەتتٸك-ەكونوميكالىق دامۋ قورىتىندىلارى تۋرالى بايانداماسىندا وبلىس ەكٸمٸ ا.باتالوۆ نەگٸزگٸ سالالارداعى كٶرسەتكٸشتەرگە توقتالدى. مەسەلەن, 2019 جىلى ٶندٸرٸستە 6,4% ٶسٸممەن 949 ملرد. تەڭگەنٸڭ ٶنٸمٸ ٶندٸرٸلدٸ. بيىلعى وبلىس بيۋدجەتٸ 586 ملرد.تەڭگە قۇرادى, سونىڭ 343 ملرد. تەڭگەسٸ, ياعني 58%-ٸ ەلەۋمەتتٸك سالاعا باعىتتالىپ وتىر. جالپى قۇنى 4,9 ترلن. تەڭگە بولاتىن, 40 مىڭ جۇمىس ورنىن قۇراتىن 422 جوبانى قامتيتىن ينۆەستيتسييالىق پورتفەل قالىپتاستىرىلدى. ولاردىڭ اراسىندا ينۆەستيتسييالىق كٶلەمٸ 94,5 ملرد.تەڭگە بولاتىن «جەتىسۋ ۆولفرامى» كەن ٶڭدەيتٸن زاۋىت, قۇنى 40 ملرد. تەڭگەلٸك «پريما-كۇس» قۇس فابريكاسى, قۇنى 47 ملرد. تەڭگە بولاتىن «الاتسەم» تسەمەنت زاۋىتى جەنە باسقالارى بار. وسى شارالاردىڭ بارلىعى 2025 جىلعا قاراي ەڭبەك ٶنٸمدٸلٸگٸن ەكٸ ەسەگە, ينۆەستيتسييا كٶلەمٸن – 1,6 ەسە, شيكٸزاتتىق ەمەس ەكسپورتتى 1,8 ەسە كٶبەيتۋگە مٷمكٸندٸك بەرەدٸ.
سول سيياقتى وبلىس باسشىسى اگرارلىق سالاداعى جەتٸستٸكتەردٸ دە اتاپ ٶتتٸ. «جىل سايىن قانت قىزىلشاسى القابىن ۇلعايتا وتىرىپ 14 مىڭ گەكتارعا, ال قانت ٶندٸرۋدٸ 51 مىڭ تونناعا جەتكٸزدٸك. بٸز قاجەتتٸ تەحنيكالارى بار سەرۆيستٸك-دايىنداۋ ورتالىقتارىن قۇردىق, جوعارى ساپالى تۇقىمدارمەن قامتاماسىز ەتٸپ كەلەمٸز, الايدا ٶنٸمدٸلٸك 380-390 تسەنتنەردەن اسپايدى. سوندىقتان, اۋىسپالى ەگٸستٸ تٷبەگەيلٸ ٶزگەرتٸپ, گەكتارىنان كەمٸندە 400-450 تسەنتنەر ٶنٸم الۋدى قامتاماسىز ەتۋ مٸندەتٸن قويامىن», - دەدٸ ا. باتالوۆ. سونىمەن قاتار باق ٶسٸرۋ, كارتوپ شارۋاشىلىعىن جولعا قويۋ, سۋارمالى جەرلەردٸ اينالىمعا ەنگٸزۋ, مال شارۋاشىلىعىن ٶركەندەتۋ باعىتتارى جايلى باياندادى.
- مەن وسى جيىننىڭ الدىندا امەريكالىق «Tyson Foods» كومپانيياسىنىڭ ٶكٸلدەرٸمەن كەزدەستٸم. وبلىستىڭ ينۆەستيتسييالىق مٷمكٸندٸكتەرٸ تۋرالى بايانداپ, ٸرٸ ەت ٶڭدەۋ كوميبيناتىن بٸزدٸڭ ٶڭٸرگە سالۋ تۋرالى كەڭٸنەن ەڭگٸمەلەستٸك. وسى جوبا ٸسكە اسىرىلسا 190 ملرد. تەڭگە ينۆەستيتسييا تارتىلاتىن بولادى. كەشەننٸڭ قۋاتى جىلىنا 500 مىڭ باس ٸرٸ قارا ەتٸن ٶڭدەۋگە جەتەدٸ. ونى قامتاماسىز ەتۋ ٷشٸن ٸرٸ قارا مالدىڭ جەنە مال بورداقىلاۋ الاڭدارىنىڭ سانى جەتكٸلٸكتٸ بولۋى كەرەك, - دەپ اتاپ ٶتتٸ ا. باتالوۆ.
وسى جيىندا وبلىس باسشىسى مەملەكەتتٸك باعدارلامالار نەگٸزٸندە جٷرگٸزٸلٸپ جاتقان تۇرعىن ٷي قۇرىلىستارى, سونىڭ ٸشٸندە از قامتىلعان جەنە كٶپ بالالى وتباسىلاردى قولجەتٸمدٸ باسپانامەن قامتۋ شارالارىن دا باسا ايتتى. بۇل رەتتە مەتسەناتتار دا زور قولداۋ كٶرسەتٸپ وتىرعانىن ريزاشىلىقپەن جەتكٸزدٸ. مەسەلەن, كٷنٸ كەشە عانا قاپشاعاي قالاسىندا بيزنەسمەندەر 30 وتباسىعا, سونىڭ ٸشٸندە مٷگەدەكتەرگە, كٶپ بالالى وتباسى مەن جەتٸم بالالارعا جاڭا سالىنىپ جاتقان تۇرعىن ٷي كەشەنٸنەن 30 پەتەر ساتىپ الىپ بەرگەن. ٶتكەن جىلى دەمەۋشٸلەردٸڭ قاراجاتىنان جالپى سانى 200-گە جۋىق كٶپ بالالى وتباسى ٷيلٸ بولدى. 2020 جىلى بارلىق باعىتتار بويىنشا جالپى 3600 وتباسىن, سونىڭ ٸشٸندە 2400 از قامتىلعان جەنە كٶپ بالالى وتباسىلاردى تۇرعىن ٷيمەن قامتۋ كٶزدەلگەن. بۇدان ەرٸ جىل سايىن 1 ملن. شارشى مەتردەن استام تۇرعىن ٷي ٸسكە قوسىلادى دەپ جوسپارلانىپ وتىر.
سونداي-اق اماندىق باتالوۆ ٶز بايانداماسىندا گازداندىرۋ, اۋىز سۋمەن قامتۋ, ٷش اۋىسىمدى مەكتەپتەر مەسەلەسٸن شەشۋ, دەنساۋلىق ساقتاۋ سالاسىنداعى جۇمىستاردى دا ۇمىت قالدىرعان جوق. «رەسپۋبليكالىق بيۋدجەتتەن ٶڭٸرگە 35 جەدەل جەردەم كٶلٸگٸ الىپ بەرٸلەدٸ. مەن جەدەل جەردەم قىزمەتٸنٸڭ جۇمىسىن جەدەلدەتۋ مەن جاقسارتۋ ٷشٸن وعان قوسا تاعى 35 كٶلٸكتٸ جەرگٸلٸكتٸ بيۋدجەت ەسەبٸنەن الىپ بەرەمٸز دەپ شەشتٸم», - دەدٸ وبلىس باسشىسى.
وسى ورايدا «اۋىل – ەل بەسٸگٸ» باعدارلاماسىنىڭ ەلدٸ مەكەندەردٸ كٶركەيتۋدەگٸ ٷلەسٸن اتاپ ٶتتٸ. 2020 جىلى باعدارلاما اياسىنداعى جۇمىستارمەن 14,4 ملرد. تەڭگەگە 21 اۋىل قامتىلاتىن بولادى.
تالدىقورعان قالاسىن دامىتۋ جوسپارلارىنا, تۋريزم, جاستار ساياساتى, قوعامدىق تەرتٸپتٸ ساقتاۋ سالالارىنداعى ٸستەرگە دە توقتالدى. سٶزٸنٸڭ سوڭىندا:
- ەلباسىنىڭ, پرەزيدەنتٸمٸزدٸڭ العا قويعان مٸندەتتەرٸن ورىنداۋدا بٸز بارلىق سالالار بويىنشا جاقسى كٶرسەتٸشتەرگە جەتتٸك. ينۆەستيتسييا تارتۋ, جاڭا جۇمىس ورىندارىن اشۋ, حالىقتىڭ ەل-اۋقاتىن ارتتىرۋ – بۇدان بىلاي دا باسىم باعىتتارىمىز بولىپ قالا بەرمەك, - دەدٸ ا. باتالوۆ.
مۇنان سوڭ كەڭەس مٷشەلەرٸ تٷرلٸ تاقىرىپتا ساۋالدارىن قويدى. سۇراقتار نەگٸزٸنەن تالدىقورعان قالاسىنىڭ كٶشەلەرٸن جٶندەۋ, ەلەكتر ەنەرگيياسىنىڭ تاريفٸ, گاز تارتۋ جۇمىستارىنىڭ قۇنى, تالدىقورعانداعى حالىققا قىزمەت كٶرسەتۋ ورتالىعىنىڭ جٷكتەمەسٸ كٶپ ەكەندٸگٸ, اۋلالاردى جٶندەۋ, دەرٸگەر جەتٸسپەۋشٸلٸگٸن بولدىرماۋ شارالارى, مٷگەدەكتەرگە ارنالعان وڭالتۋ ورتالىعىنىڭ قۇرىلىسى, جول قاۋٸپسٸزدٸگٸ مەسەلەسٸ, ونكولوگييالىق اۋرۋدىڭ الدىن الۋ مەن ەمدەۋ شارالارى تاقىرىپتارىن قامتىدى.
جاۋاپ بەرۋ بارىسىندا بەلگٸلٸ بولعانىنداي, تالدىقورعان قالاسىندا سالۋ جوسپارلانىپ وتىرعان وڭالتۋ ورتالىعىنىڭ قازٸرگٸ كەزدە جوبالاۋ-سمەتالىق قۇجاتتارى دايىندالۋدا. ال ونكولوگييالىق اۋرۋلاردى ەرتە كەزدەن انىقتايتىن جاعداياتتىق ورتالىق جۇمىسى بٷگٸنگٸ كٷنٸ ٶز تيٸمدٸلٸگٸن كٶرسەتٸپ وتىر. دەرٸگەر جەتٸسپەۋشٸلٸگٸ مەسەلەسٸن شەشٸ ٷشٸن س. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸمەن كەلٸسٸم جاسالعانى, كەلگەن جاس ماماندارعا ەلەۋمەتتٸك جەڭٸلدٸكتەر جاسالاتىنى, مەديتسينا ماماندارىنا ارناپ تالدىقورعان قالاسىندا ارنايى تۇرعىن ٷي سالۋ جوسپاردا بار ەكەنٸ ايتىلدى. سول سيياقتى وبلىس ەكٸمٸ تالدىقورعان قالاسى ەكٸمدٸگٸنە جاڭا شاعىن اۋداندارىنداعى كٶپ قاباتتى ٷيلەردٸڭ بٸرٸنشٸ قاباتىنان حالىققا قىزمەت كٶرسەتۋ ورتالىعىن سالۋ تۋرالى ۇسىنىس ەنگٸزۋدٸ تاپسىردى. وبلىس ەكٸمٸ ٶزٸنە قويىلعان بارلىق سۇراقتارعا تىڭعىلىقتى جاۋاپ بەردٸ.
وتىرىس بارىسىندا وبلىستىق مەسليحاتتىڭ حاتشىسى سۇلتان دٷيسەمبٸنوۆ تە حابارلاما جاساپ, اتقارعان جۇمىستارىنان حاباردار ەتتٸ.
جيىن سوڭىندا وبلىس ەكٸمٸ مەن وبلىستىق مەسليحات حاتشىسىنىڭ باياندامالارى نازارعا الىنىپ, ەكٸم جۇمىسىنا وڭ باعا بەرٸلدٸ جەنە قارالعان مەسەلەلەر بويىنشا قارار قابىلداندى.
