Elbasymyz Nursultan Ábishuly Nazarbaevtyń «Egemen Qazaqstan» gazetinde jaryq kórgen «Bolashaqqa baǵdar: rýhani jańǵyrý» atty baǵdarlamalyq maqalasyna orai búgin Taldyqorǵanda Almaty oblysynyń ákimi Amandyq Batalovtyń tóraǵalyǵymen aktiv jiyny ótti, dep habarlaidy "Ult aqparat" oblys ákimdiginiń baspasóz qyzmetine silteme jasap.
Jiyndy ashqan oblys basshysy A. Batalov Elbasynyń «Bolashaqqa baǵdar: rýhani jańǵyrý» atty baǵdarlamalyq maqalasy sońǵy kúnderde el ómirindegi qoǵamdyq-saiasi mańyzy zor oqiǵanyń biri bolǵanyn atap ótti. Onda Elbasy ekonomikalyq jáne saiasi jetistikterimizdi damytýdyń rýhani baǵdarlamasyn usynyp otyrǵanyna toqtaldy.
- Bul baǵdarlama ultymyz úshin mańyzy tereń, aýqymy zor, ónegesi mol, halqymyzǵa rýhani azyq bolatyn aitýly dúnie. Bul maqalada ótken tarihi kezeńderge syndarly baǵa berilip, oi eleginen ótkizilip, rýhani damý baǵytymyz aiqyndalǵan. El Prezidenti qoǵamnyń rýhani jańǵyrýyna halyqtyń dástúri men ulttyq mádenieti negiz bolýy tiis ekenin aitty. Mundai baǵytty ustaný keshegi kún men búgindi, búgin men erteńdi jalǵastyrady. Sondyqtan bizdiń mindetimiz Memleket basshysynyń tapsyrmasyn oryndai otyryp, maqalada kórsetilgen jobalarǵa basty nazar aýdarý, - dep atap ótti A. Batalov.
Jiynda oblys ákiminiń orynbasary Jaqsylyq Omar baiandama jasady. Baiandamashynyń aitýynsha, oblys basqarmalary óz josparlaryna baǵdarlamalyq maqalanyń mindet-maqsattaryn negizge ala otyryp, tolyqtyrýlar jasaityn bolady. Máselen, oblystyq ishki saiasat jáne jastar saiasaty, mádeniet, tilderdi damytý jáne din isteri jónindegi basqarmalarǵa sáýir aiynyń aiaǵyna deiin baǵdarlamalyq maqalada aitylǵan tirekterdi qamtityn usynystar engizip, is-sharalar josparyn ázirleý tapsyryldy. Bul jumysqa oblystyq Qazaqstan halqy Assambleiasy men jergilikti buqaralyq aqparat quraldary da belsene qatysýy tiis.
- Qazir biz alǵa qoiylǵan mindetterdi negizge ala otyryp, jedel túrde saraptamalyq jumys júrgizýimiz qajet jáne Almaty oblysynyń rýhani damýynyń, mádenieti men tarihynyń, týrizminiń aýqymdy múmkindikterin ashyp kórsete bilýimiz kerek. Eki aptanyń ishinde baǵdarlamalyq qujatty júzege asyrýdyń óńirlik josparyn oblys basshysynyń qaraýyna usyna alamyz dep oilaimyn,- dedi J. Omar. Bul oraida oblys ákimi A. Batalovtan osy mindetterdiń oryndalýyna yqpal etetin quramyna ziialy qaýym, ǵalymdar, jastar, etnomádeni ortalyqtar men qoǵamdyq uiymdar ókilderi engiziletin jumys tobyn qurýǵa qoldaý kórsetýdi surady.
Jaryssózge filosofiia ǵylymdarynyń doktory, professor, «Máńgilik el» ǵylymi-bilim berý ortalyǵynyń jetekshi ǵylymi qyzmetkeri Amanjol Qasabek, «Almaty oblystyq slavian qozǵalysy» qoǵamdyq birlestiginiń múshesi Natalia Belik, oblystyq «Jetisý» jáne «Ogni Alataý» gazetteriniń bas redaktorlary Ámire Árin men Atsalim Idigov, Óńirlik kommýnikatsiialar qyzmetiniń jýrnalist-moderatory Galina Mitkovskih shyǵyp, óz oi-pikirlerin bildirdi.
Jiyn sońynda oblys ákimi A. Batalov:
- Qoǵamdyq sanany jańǵyrý jónindegi Elbasy Nursultan Ábishuly Nazarbaevtyń ideiasy - elimizdegi konstitýttsiialyq, ekonomikalyq reformalardyń zańdy jalǵasy. Maqalada jańa zaman kóshine ilesip, órkenietti el bolý úshin ulttyq sanany saqtaý men óristetýdiń naqty joldary usynylǵan. Osy baǵdarlamalyq qujatqa sáikes Jetisý óńirinde birlik pen tatýlyqty, rýhani kelisimdi, ekonomikalyq damý úrdisterin saqtaý maqsatynda atqarylatyn naqty jumystar 1 mamyrǵa deiin aiqyndalýy tiis, - dep, tiisti qurylymdarǵa naqty mindetter júktedi.
Munan keiin oblys basshysy árbir aýdan, qalalardaǵy tarihi, mádeni eskertkishterdiń tizimin jańartýdy, jastardy eljandylyqqa tárbieleý isin kúsheitýdi, halyqtyń rýhani jáne moraldyq qundylyqtaryn nyǵaitý baǵytyndaǵy jumystardy shiratýdy tapsyrdy.
