Biyl Almaty oblysynda 65 myń jańa jumys orny ashylady. Bul týraly Úkimet otyrysynda Almaty oblysynyń ákimi Amandyq Batalov aitty, dep habarlaidy "Ult aqparat".
«Memleket basshysy atap ótken tótenshe jaǵdai kezinde halyqty, biznesti qoldaý sharalary ekonomikadaǵy oń serpindi saqtaýǵa jáne jumyspen qamtamasyz etýge múmkindik beredi. Oblys boiynsha 156 myń adam jumyspen qamtylǵan. Iri jáne orta kásiporyndarda óndiris kóleminiń tómendeýi jáne qyzmetkerlerdi bosatý jaǵdailary tirkelmegen. Jumyspen qamtýdyń jańa jol kartasyna 1 trln teńge bólý týraly sheshim jumys oryndaryn qurýǵa úlken kómek berdi. Memlekettik saraptama qorytyndysy alynǵan jobalyq-smetalyq qujattamanyń arqasynda oblysta 22,8 myń jumys ornyn quryp otyrmyz. 977 jobany iske asyrýǵa 109,2 mlrd teńge bólindi. Onyń ishinde 58,9 mlrd teńgesi nemese 54 paiyzy áleýmettik-mádeni salanyń 429 jobasyn iske asyrýǵa baǵyttalady», - dedi oblys basshysy.
Onyń aitýynsha, atalǵan jol kartasynyń arqasynda óńirde biyl qosymsha taǵy 7 mektep salynady. Jalpy osy jyly barlyǵy 23 mektep salynbaq.
«Bul oblys úshin mańyzdy másele. Óitkeni, bizdiń oblysta qazirgi ýaqytta úsh aýysymdy 32 mektep bar. Munan bólek 5 aýyldyq dárigerlik ambýlatoriia salýdy josparlap otyrmyz. 53 eldi mekende sýmen jabdyqtaý nysandaryn qaita jańǵyrtý men jóndeý, 84 eldi mekende abattandyrý, 220 eldi mekende 500 shaqyrym jol jóndeý júrgiziledi. Oblysta jol kartasy boiynsha jumystar atqarylǵan. Biraq mundai kólemde qarajat alǵash ret bólinip otyr. Sonyqtan bizdiń mindetimiz - olardy ýaqytynda ári sapaly igerý, jumyspen qamtý máselelerin sheshý», - dedi óńir basshysy.
Oblys ákimi munan bólek «Eńbek» baǵdarlamasy aiasynda jumyspen qamtýdyń belsendi sharalarymen 22 myń adamdy qamtý josparlanyp otyrǵanyn aitty.
«Sonymen qatar jekemenshik investorlar tartý esebinen 367 mlrd teńgege 75 nysan iske qosylyp, 5 myńnan astam jumys orny ashylady. Nátijesinde oblys boiynsha qoldaý sharalarynyń arqasynda jumystan shyǵarylǵan jáne jumyssyz turǵyndar úshin jyl boiy 65 myń jumys orny qurylady», - dedi Amandyq Batalov.
