بيىل الماتى وبلىسىندا 65 مىڭ جاڭا جۇمىس ورنى اشىلادى. بۇل تۋرالى ٷكٸمەت وتىرىسىندا الماتى وبلىسىنىڭ ەكٸمٸ اماندىق باتالوۆ ايتتى, دەپ حابارلايدى "ۇلت اقپارات".
«مەملەكەت باسشىسى اتاپ ٶتكەن تٶتەنشە جاعداي كەزٸندە حالىقتى, بيزنەستٸ قولداۋ شارالارى ەكونوميكاداعى وڭ سەرپٸندٸ ساقتاۋعا جەنە جۇمىسپەن قامتاماسىز ەتۋگە مٷمكٸندٸك بەرەدٸ. وبلىس بويىنشا 156 مىڭ ادام جۇمىسپەن قامتىلعان. ٸرٸ جەنە ورتا كەسٸپورىنداردا ٶندٸرٸس كٶلەمٸنٸڭ تٶمەندەۋٸ جەنە قىزمەتكەرلەردٸ بوساتۋ جاعدايلارى تٸركەلمەگەن. جۇمىسپەن قامتۋدىڭ جاڭا جول كارتاسىنا 1 ترلن تەڭگە بٶلۋ تۋرالى شەشٸم جۇمىس ورىندارىن قۇرۋعا ٷلكەن كٶمەك بەردٸ. مەملەكەتتٸك ساراپتاما قورىتىندىسى الىنعان جوبالىق-سمەتالىق قۇجاتتامانىڭ ارقاسىندا وبلىستا 22,8 مىڭ جۇمىس ورنىن قۇرىپ وتىرمىز. 977 جوبانى ٸسكە اسىرۋعا 109,2 ملرد تەڭگە بٶلٸندٸ. ونىڭ ٸشٸندە 58,9 ملرد تەڭگەسٸ نەمەسە 54 پايىزى ەلەۋمەتتٸك-مەدەني سالانىڭ 429 جوباسىن ٸسكە اسىرۋعا باعىتتالادى», - دەدٸ وبلىس باسشىسى.
ونىڭ ايتۋىنشا, اتالعان جول كارتاسىنىڭ ارقاسىندا ٶڭٸردە بيىل قوسىمشا تاعى 7 مەكتەپ سالىنادى. جالپى وسى جىلى بارلىعى 23 مەكتەپ سالىنباق.
«بۇل وبلىس ٷشٸن ماڭىزدى مەسەلە. ٶيتكەنٸ, بٸزدٸڭ وبلىستا قازٸرگٸ ۋاقىتتا ٷش اۋىسىمدى 32 مەكتەپ بار. مۇنان بٶلەك 5 اۋىلدىق دەرٸگەرلٸك امبۋلاتورييا سالۋدى جوسپارلاپ وتىرمىز. 53 ەلدٸ مەكەندە سۋمەن جابدىقتاۋ نىساندارىن قايتا جاڭعىرتۋ مەن جٶندەۋ, 84 ەلدٸ مەكەندە اباتتاندىرۋ, 220 ەلدٸ مەكەندە 500 شاقىرىم جول جٶندەۋ جٷرگٸزٸلەدٸ. وبلىستا جول كارتاسى بويىنشا جۇمىستار اتقارىلعان. بٸراق مۇنداي كٶلەمدە قاراجات العاش رەت بٶلٸنٸپ وتىر. سونىقتان بٸزدٸڭ مٸندەتٸمٸز - ولاردى ۋاقىتىندا ەرٸ ساپالى يگەرۋ, جۇمىسپەن قامتۋ مەسەلەلەرٸن شەشۋ», - دەدٸ ٶڭٸر باسشىسى.
وبلىس ەكٸمٸ مۇنان بٶلەك «ەڭبەك» باعدارلاماسى اياسىندا جۇمىسپەن قامتۋدىڭ بەلسەندٸ شارالارىمەن 22 مىڭ ادامدى قامتۋ جوسپارلانىپ وتىرعانىن ايتتى.
«سونىمەن قاتار جەكەمەنشٸك ينۆەستورلار تارتۋ ەسەبٸنەن 367 ملرد تەڭگەگە 75 نىسان ٸسكە قوسىلىپ, 5 مىڭنان استام جۇمىس ورنى اشىلادى. نەتيجەسٸندە وبلىس بويىنشا قولداۋ شارالارىنىڭ ارقاسىندا جۇمىستان شىعارىلعان جەنە جۇمىسسىز تۇرعىندار ٷشٸن جىل بويى 65 مىڭ جۇمىس ورنى قۇرىلادى», - دەدٸ اماندىق باتالوۆ.
