Búgin Ekibastuz qalasynyń jylýsyz qalǵan turǵyndaryna «AMANAT» partiiasynan kezekti gýmanitarlyq kómek jiberildi. Bul – 200 jylytqysh, 400 jyly kórpe, 100 batareia jáne basqa da qajetti zattar.
Aita ketý kerek, Ekibastuzda bir aptadan astam ýaqyttan beri volonterler shtaby jumys istep tur. Shtabta «Jastar Rýhynyń» jáne ózge de uiymdardyń ókilderi jumys isteidi.
«Osyndai qiyn kezde jaǵdaiǵa beijai qaramai kómekke kelip jatqan metsenattar, ÚEU, qazaqstandyqtardyń qatary kóp. Ekibastuzdaǵy jylýsyz qalǵan úilerge 4,5 myńnan astam jylytqysh jetkizildi, onyń 2,5 myńy elimizdiń ár óńirindegi amanattyqtardyń tarapynan berildi. Olardyń árqaisysy muqtaj otbasylarǵa jetkiziledi. Bul jumys qaladaǵy jaǵdai tolyq turaqtalǵanǵa deiin jalǵasady», – dep atap ótti «AMANAT» partiiasy Pavlodar oblystyq filialynyń atqarýshy hatshysy Ilia Terenchenko.
Ol gýmanitarlyq kómek bir ortalyqtan taratylatynyn atap ótti. Jylytqysh alýǵa ótinimder tek volonterler shtabynyń +77054057128, +77779965010 bailanys nómirleri nemese Ekibastuz qalasy, Pavlodar kóshesi, 10 úi mekenjaiy boiynsha qabyldanady.
