«AMANAT»-tyń el aýmaǵyndaǵy 4 000-nan astam bastaýysh partiia uiymynyń músheleri partiianyń jańa Saiasi tuǵyrnamasynyń jobasyn talqylaýda. Sondai-aq, BPU otyrystarynda partiianyń aýmaqtyq filialdarynyń konferentsiialaryna qatysatyn delegattar sailanady.
Máselen, Almatydaǵy №4-shi qalalyq perzenthananyń akýsheri Tamara Hvan «Densaýlyq» bastaýysh partiia uiymynyń jinalysynda sóz sóilep, otbasynyń ál-aýqaty men ult saýlyǵy syndy baǵyttardyń mańyzdylyǵyn atap ótti.
«Partiialyqtar ózderiniń baǵdarlamalyq qujattary men bastamalarynda densaýlyq saqtaý salasynyń sapasyn arttyrý máselesin únemi nazarǵa alyp otyrady. Osylaisha, olar azamattarymyzǵa is júzinde qamqorlyq kórsetip keledi», – dep atap ótti Tamara Hvan.
Óz kezeginde, «Qyzylorda magistraldyq jeli bólimshesi» bastaýysh partiia uiymynyń múshesi Sabyr Bimuhamedov jańa baǵdarlamalyq qujat partiialyqtardyń basym kópshiliginiń kózqarasy men pikirin biriktiretinin atap ótti.
«Barlyq óńirden usynys jinaý jáne áleýmettik saýalnama júrgizý arqyly partiialyqtardyń qujatqa qatysty óz pikirin bildirýine múmkindik berildi. Jalpy, «AMANAT» elimizdiń basty saiasi kúshi bola otyryp, árbir azamattyń múddesin qorǵaýdy jalǵastyryp jatqany qýantady», – dedi Sabyr Bimuhamedov.
Pavlodarda BPU músheleri qalalyq tramvai basqarmasy bazasynda oblystyq máslihattaǵy partiia depýtattarymen birge jańa Tuǵyrnamanyń negizgi basymdyǵy azamattardyń ál-aýqatyna baǵyttalǵanyn atap ótti.
«Tom-tom qujatty zerttep otyratyn ýaqytymyz joq. Biz úshin qarapaiymdylyq pen qoljetimdilik mańyzdy. Al jańa Saiasi tuǵyrnamanyń jobasy – osy qaǵidattarǵa sai keledi. Partiia jumysynda adam men onyń ál-aýqatyna negizgi basymdyq beriletini biz úshin óte mańyzdy», – dedi «D.Mahmudov atyndaǵy tramvai deposy» kásipornynyń qyzmetkeri Sailaýbek Asyhanov.
Oblystyq máslihattaǵy «AMANAT» fraktsiiasynyń múshesi Serik Jartybaev jańa qujat qatardaǵy partiialyqtardyń myńdaǵan pikirin qamtitynyn atap ótti.
«Jergilikti aqparattyq tehnologiialar kolledjiniń direktory retinde, men úshin osy Tuǵyrnamada balalarymyzdyń mektepke deiingi tárbiesinen bastap, barlyq deńgeidegi bilim berý salasyna erekshe nazar aýdarylǵany mańyzdy. «AMANAT» partiiasynyń búkil saiasi platformasy ádiletti Qazaqstandy qurýǵa baǵyttalǵan»,– dedi Serik Jartybaev.
Qaraǵandy oblysyndaǵy «Memlekettik muraǵat» BPU jetekshisi Elena Chernaia jańa tuǵyrnama – zamanaýi talaptarǵa jaýap beretin «AMANAT» partiiasynyń basty ideologiialyq qujaty ekenin atap ótti.
«Tuǵyrnama bolashaqtaǵy baǵyt pen damý baǵdarlaryn, qaǵidalaryn qamtidy. Ol bizdi Ádiletti Qazaqstandy qurýǵa taǵy bir qadam jaqyndatady», – dedi Elena Chernaia.
BPU jiyndarynyń qorytyndysy boiynsha partiianyń aýmaqtyq filialdarynyń konferentsiialaryna qatysý úshin delegattar sailandy.
Eske sala keteiik, 6 qazanda Astana qalasynda «AMANAT» partiiasynyń kezekten tys XXIV Sezi ótedi. Sezd jumysyna elimizdiń barlyq óńirinen delegattar qatysady.
