Sailaýǵa qatysty búgin saǵat 11:00-ge deiin 14 buzýshylyq tirkeldi. Olar negizinen bolmashy sipattaǵy tehnikalyq jáne uiymdastyrýshylyq jaǵynan ketken kemshilikter. Bul týraly áleýmettik jelidegi tikelei efir kezinde «Amanat» azamattyq platformasynyń ókili Murat Ábenov málim etti.
Búgin saǵat 12:00-degi jaǵdai boiynsha Qazaqstannyń barlyq aýmaǵyndaǵy sailaý ýchaskeleri «Amanat» azamattyq platformasynyń táýesiz baiqaýshylarymen qamtyldy. Qazirgi ýaqytta 10 myńǵa jýyq baiqaýshy men 400-den astam mobildi kapitandar barlyq oblystarda baiqaý sharalaryna qatysýda. «Amanat» tarapynan baiqaý sharalary ýaqtyly bastaldy.
«Jalpy, saǵat 11:00-ge deiin 14 buzýshylyq tirkeldi. Sáikesinshe, olar boiynsha aktiler quryldy, bul buzýshylyqtar bolmashy sipattaǵy buzýshylyqtar. Iaǵni, olar tehnikalyq-uiymdastyrýshylyq sipattaǵy kemshilikter. Sonymen qatar 50-ge tarta aýyzsha eskertý jasaldy jáne olar boiynsha sailaý komissiialary shuǵyl sheshim qabyldady», - dedi «Amanat» azamattyq platformasynyń ókili Murat Ábenov.
Osy oraida ol tuǵyrmanama tarapynan baiqaýshylyq qyzmetti atqaryp júrgen áriptesterin Qazaqstannyń zańdary talaptaryn qatań ustanýǵa shaqyrdy.
Aita keteiik, jańadan qurylǵan «Amanat» azamattyq platformasy búgingi sailaýǵa qoǵamdyq monitoring júrgizýde. Túrli qoǵamdyq uiym ókilderinen quralǵan top saiasi naýqanǵa barynsha belsendi qatysýda. Osylaisha, elimizdegi ár sailaý ýchaskesine «Amanattyń» atynan bir adamnan bekitilgen.
