Májilis depýtattary – «AMANAT» fraktsiiasynyń músheleri men sarapshylar partiianyń baspasóz ortalyǵynda ótken brifing barysynda Konstitýtsiiaǵa ózgerister men tolyqtyrýlar engizý boiynsha referendýmnyń mańyzdylyǵy týraly oilaryn ortaǵa saldy, dep habarlaidy "Ult aqparat".
Fraktsiia múshesi Saiasat Nurbek referendýmnyń basty maqsaty azamattardyń memleketti basqarý úderisindegi rólin kúsheitý bolǵandyqtan, halyq arasynda aqparattyq-túsindirý jumystarynyń mańyzdylyǵyna toqtaldy.
Óz kezeginde Qazaqstandyq qoǵamdyq damý institýtynyń basqarma tóraǵasy Qazbek Maigeldinov azamattar úshin Konstitýtsiialyq sotqa tikelei júginýdiń jańa múmkindikteri bar ekenin alǵa artty. Sondai-aq, onyń zańnamalyq qaishylyqtardy sheshýge jáne óz múddelerin qorǵaýǵa múmkindik beretinin atap ótti.
«Azamattar ártúrli satydaǵy sottar ádiletsiz úkim shyǵarady dep sanaityn kezder az emes. Al referendýmnan keiin olar úlken zańdy kúshke ie Konstitýtsiialyq sotqa júgine alady», dep atap ótti saiasattanýshy.
«AMANAT» partiiasy Qoǵamdyq saiasat institýtynyń direktory Madina Nurǵalievanyń aitýynsha, jýyrda júrgizilgen áleýmettik zertteý nátijeleri boiynsha respondentterdiń 78%-y qoǵamda ózgeristerge degen suranys bar dep esepteidi.
«Referendým – bul jańa áleýmettik kelisim jasaý úshin berilgen jaýap. Qazir azamattarǵa oiyn ashyq jetkizýdi úirenetin ýaqyt keldi. Al aldaǵy referendým olarǵa óz pikirin bildirýge múmkindik beredi. Halyq saiasi sheshimder qabyldaý protsesine kóbirek kóńil bólýde. Muny kandidattardyń basym kópshiligi ózin-ózi usynǵan aýyl ákimderiniń sailaýynan da baiqaýǵa bolady. Iaǵni, munyń bári bizdiń azamattyq sanamyzdyń ósip, saiasi mádenietimizdiń arta túskenin kórsetedi. Bul úrdis odan ári jalǵasady», dedi Mádina Nurǵalieva.
Baspasóz konferentsiiasy barysynda Májilis depýtaty, «AMANAT» partiiasy fraktsiiasynyń múshesi Lázzat Ramazanova sońǵy jyldary Qazaqstanda azamattyq qoǵamnyń belsendiligi aitarlyqtai artqanyn, oǵan jaqynda ótken partiialyq praimeriz dálel ekenin atap ótti.
«Kóptegen memleketter bilikti ortalyqtandyrý jolymen júrip keledi. Al Qazaqstan demokratiialandyrýǵa betburyp otyr. Buǵan deiin tolyqtai Prezidentke berilgen bizdegi bilik, endi ortalyqsyzdandyrylyp, azamattyq qoǵamǵa, demokratiialyq qoǵamǵa aiaq basady. Bul kez kelgen memleket úshin óte mańyzdy synaq», dedi depýtat.
