Búgin «AMANAT» partiiasynyń Atqarýshy hatshysy Ashat Oralov Qonaev qalasynda partiia aktivimen, ziialy qaýym ókilderimen, BPU múshelerimen, qalalyq sý elektr stansasy ujymymen jáne taǵy da basqa birqatar kezdesý ótkizip, aldaǵy jalpyhalyqtyq referendýmnyń mańyzdylyǵyn talqylady, dep habarlaidy "Ult aqparat".
Ziialy qaýymmen kezdesýde Atqarýshy hatshy jańa oblystar qurylǵannan keiin Qonaev qalasy Almaty oblysynyń ákimshilik ortalyǵy retinde osy óńirdiń damýyna qosymsha serpin beretinin atap ótti.
«Qonaev qalasynyń turǵyndary – Memleket basshysynyń halyqqa Joldaýynda aitylǵan elimizdegi aýqymdy ózgeristerdi qyzý qoldaǵan alǵashqylardyń biri. Endi saiasi reformalar baǵytyn tolyq júzege asyrý úshin «Ekinshi Respýblikanyń» saiasi irgetasy bolatyn konstitýtsiialyq reforma júrgizý usynylyp otyr. Elimiz demokratiialyq qaǵidattardy tolyǵymen ustanady. Buǵan Ata Zańǵa ózgerister men tolyqtyrýlar azamattardyń jappai daýys berýi arqyly engiziletindigi dálel bola alady. Biz qala turǵyndary da oǵan belsendi qatysatynyna senimdimiz», – dedi Ashat Oralov.
Óz kezeginde, Ile aýdany ardagerler keńesiniń múshesi Erbol Turymbetov oblys jáne qaladaǵy ziialy qaýym ókilderi, aqsaqaldar, mádeniet jáne sport qairatkerleri daýys berýge shyǵarylatyn túzetýlerdiń mańyzdylyǵyn túsindirý jumystaryna belsendi qatysyp jatqanyn habarlady.
«Referendým – bul halqymyz úshin synaq ispetti. Kezdesýler barysynda halyqtyń bul bastamany joǵary baǵalaitynyn jáne daýys berýge qatysýǵa daiyn ekendigin kóremiz. Óitkeni eldegi kez kelgen ózgeris túptep kelgende Ata Zańǵa bailanysty ekeni belgili», – dep atap ótti Erbolat Turymbetov.
Partiia aktiviniń jiyny barysynda Ashat Oralov amanattyqtar Memleket basshysynyń qoǵamdyq tiregi jáne eldiń eń iri saiasi kúshi bola otyryp, barlyq ózgeristiń aldyńǵy shebinde bolýǵa tiis ekenin atap ótti. Onyń aitýynsha, partiia da búkil elimiz siiaqty, transformatsiia protsesin bastan ótkerýde jáne qazir qazaqstandyqtardyń Qasym-Jomart Toqaev usynǵan reformalar baǵyty tóńireginde toptasýy mańyzdy.
Qalalyq sý elektr stansasynyń ujymymen júzdesý barysynda da aldaǵy ózgerister jaiy talqylandy. Kezdesýge qatysýshylar jalpyhalyqtyq referendým ótkizýdi qoldap, daýys berý kúni qala turǵyndary joǵary belsendilik tanytatynyna senim bildirdi.
Partiianyń Almaty oblystyq filialynda «AMANAT»-tyń 90 myńnan astam múshesi jáne 307 bastaýysh partiia uiymy bar.
