Ortalyq sailaý komissiiasy Qazaqstan Respýblikasynyń Prezidenttigine kandidat Meiram Qajykenniń sáikestigin belgileý týraly qaýly qabyldady, dep habarlaidy "Ult aqparat".
8 qazanda Nurlan Ábdirovtiń tóraǵalyǵymen Qazaqstan Respýblikasy Ortalyq sailaý komissiiasynyń otyrysy ótti. Oǵan saiasi partiialardyń, buqaralyq aqparat quraldarynyń ókilderi, beinekonferentsbailanys rejiminde oblystardyń, respýblikalyq mańyzy bar qalalardyń jáne astananyń aýmaqtyq sailaý komissiialarynyń músheleri qatysty.
Otyrysta Qazaqstan Respýblikasynyń Prezidenttigine kandidat Qajyken Meiram Zekeshulynyń sáikestigin anyqtaý máselesi qaraldy.
"Kún tártibindegi másele boiynsha Ortalyq sailaý komissiiasynyń múshesi Shavkat Ótemisov baiandama jasady. Ol Qazaqstan Respýblikasy Prezidenttigine kandidat Qajyken Meiram Zekeshulyna qatysty sailaý týraly Konstitýtsiialyq zańnyń 59-babynyń talaptaryna sáikes QR OSK ýákiletti memlekettik organdarǵa tiisti suraý salýlar jiberilgenin habarlady. Quzyretti memlekettik organdardan kelgen málimetterge sai azamat Qajyken Meiram Zekeshulyna qatysty Qazaqstan Respýblikasy Prezidenttigine kandidat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statistika jáne arnaiy esepke alý jónindegi komitetiniń málimetine sai Qajyken Meiram Zekeshuly Qazaqstan Respýblikasynyń Prezidenttigine kandidattarǵa qoiylatyn Konstitýtsiia men «QR sailaý týraly» KZ talaptaryna sáikes keledi" - delingen OSK habarlamasynda.
Ishki ister ministrliginiń málimetine sai Qajyken Meiram Zekeshuly týmysynan Qazaqstan Respýblikasynyń azamaty bolyp tabylady, Qazaqstanda sońǵy 61 jyl boiy turady.
2022 jylǵy 8 qazandaǵy lingvistikalyq komissiianyń qorytyndysy boiynsha memlekettik tildi erkin meńgergen. Usynylǵan diplomnyń kóshirmesine sai joǵary bilimi bar (diplomnyń túpnusqasymen salystyryp tekserý júrgizildi).
Qazaqstan Respýblikasynyń memlekettik qyzmet isteri agenttigi usynǵan málimetterge sai memlekettik qyzmettegi jáne sailanbaly memlekettik laýazymdardaǵy jumys tájiribesi – 14 jyl.
Ádilet ministrligi usynǵan málimetterge sáikes, Qazaqstan Respýblikasynyń Prezidenttigine kandidat usynǵan «Amanat» Qazaqstan kásipodaqtarynyń yntymaqtastyǵy» respýblikalyq kásipodaqtar birlestiginiń Ádilet ministrliginde tirkelgeni týraly qujaty bar.
Osyǵan bailanysty Ortsailaýkom qaýly qabyldady:
1. Qazaqstan Respýblikasynyń Prezidenttigine kandidat Qajyken Meiram Zekeshuly Qazaqstan Respýblikasynyń Konstitýtsiiasynda jáne «Qazaqstan Respýblikasyndaǵy sailaý týraly» Qazaqstan Respýblikasynyń 1995 jylǵy 28 qyrkúiektegi Konstitýtsiialyq zańynda oǵan qoiylatyn talaptarǵa sáikes ekeni anyqtalsyn.
2. Qazaqstan Respýblikasynyń Prezidenttigine kandidatty qoldaityn qoldardy jinaý úshin qol qoiý paraqtary qajetti mólsherde berilsin.
Qol jinaýdy kandidattyń senim bildirilgen adamdary júzege asyrady. Senim bildirilgen adamdardy tirkeýdi aýmaqtyq sailaý komissiialary ortsailaýkomnyń 2011 jylǵy 21 qarashadaǵy № 62/108 qaýlysymen bekitilgen Nusqaýlyq negizinde júzege asyratyn bolady.
