Kollaj: ulysmedia.kz
Úkimet basshysynyń orynbasary – Saýda jáne integratsiia ministri Baqyt Sultanov nege shet memlekettermen qant saýdasy boiynsha aiaq asynan mámile jasaýǵa májbúr bolǵandaryn málim etti, dep habarlaidy Ulysmedia.kz.
Úkimet kýlýarynda tilshilerdiń saýalyna jaýap bergen ministr Reseidiń Eýraziialyq ekonomikalyq odaq aiasyndaǵy qant eksportyna shekteý qoiý týraly sheshimin tym kesh estigenin málim etti.
«Qantty zaýyttar óndiredi. Olar qajetti shikizatty óz betimen satyp alady. Al ol naryq koniýktýrasyna bailanysty. Qazir naryq bylai qalyptasyp otyr. Biz importpen keletin qanttyń shamamen 70 paiyzyn irgedegi Reseiden alyp keldik. Óitkeni ol Braziliiadan qant tasyǵanǵa qaraǵanda áldeqaida arzanǵa túsetin. Shekteý búgin (...) amal qaldyrmaǵannan keiin logistikany ózgertýden basqa jol joq. Iaǵni bul jerde eshqandai qate esep bolǵan joq», - dedi Baqyt Sultanov.
Ministrdiń aitýynsha, iri saýda jelilerde qant bar. Al kishi dúkenderde qant bolmaýy múmkin.
“Óz óndirisimizdi damytý úshin fermerlik quramynda qanty bar ónimderdiń sharýashylyǵyn damytý kerek. Kúrdeli jumys. Aýyl sharýashylyǵy ol ispen ainalysyp jatyr”, – dedi ol.
Buǵan deiin Májilis depýtattary vitse-premer Roman Skliarǵa joldaǵan depýattyq saýalynda qant tapshylyǵyn sheshýdiń joldaryn usynǵan edi.
