Qazaqstandyq shahmatshy Alýa Nurman WR Women’s Chess Tour 2026 jarysynyń alǵashqy kezeńinde – Tokyo Asian Leg týrnirinde (6–7 maýsym, Tokio, Japoniia) sátti óner kórsetti, dep habarlaidy ult.kz.
Rapid týrnirinde Alýa senimdi oiyn kórsetip, shirek finalda grossmeister Antýanetta Stefanovany, jartylai finalda álemniń eń myqty shahmatshylarynyń biri, grossmeister Katerina Lagnony jeńdi.
Finaldyq matchta qazaqstandyq sportshy 2026 jylǵy Pretendentter týrniriniń jeńimpazy, úndistandyq grossmeister Vaishali Rameshbabýmen kezdesti. Qyzý tartystan keiin Alýa 0,5:1,5 esebimen jeńilip, bedeldi halyqaralyq týrnirdiń rapid kezeńiniń kúmis medalin ielendi.
Rapid nátijesi boiynsha Alýa 8 týrnirlik upai jinap, 8 qatysýshynyń arasynda 2-oryndy aldy. Olardyń qatarynda álemniń burynǵy álem chempiondary men jetekshi shahmatshylary boldy.
Tokiodaǵy óner kórsetý jas qazaqstandyq shahmatshynyń mansabyndaǵy taǵy bir mańyzdy jetistik boldy jáne onyń álemdik áielder shahmatyndaǵy eń perspektivti ókilderiniń biri ekenin taǵy bir ret rastady.
