12-15 maýsym aralyǵynda IýNESKO-nyń Parijdegi shtab-páterinde «Adam jáne biosfera» baǵdarlamasy halyqaralyq úilestirý keńesiniń kezekti sessiiasy ótip, onda IýNESKO-nyń dúniejúzilik tizimine 23 jańa biosferalyq qoryqty engizý týraly sheshim qabyldandy, dep habarlaidy BUU Jańalyqtar ortalyǵy.
IýNESKO-nyń jelisin tolyqtyrǵan nysandar qatarynda Qazaqstandaǵy «Altynemel» memlekettik ulttyq saiabaǵy men Qarataý biosferalyq qoryǵy, Resei men Qazaqstandaǵy «Úlken Altai» biosferalyq qoryǵy, sondai-aq Reseidiń «Hakasskii», «Kizliarskii zaliv» jáne «Metsola» qoryqtary bar.
Aita keteiik, «Úlken Altai» biosferalyq qoryǵyna Resei Federatsiiasyndaǵy Katýn biosferalyq qoryǵy men Qazaqstandaǵy Qatonqaraǵai biosferalyq qoryǵy jatady. «Úlken Altai» qoryǵynyń jalpy aýmaǵy 1,5 mln gektardan asady.
Biosferalyq qoryqtar - bioártúrlilikti zertteýge arnalǵan «tiri zerthanalar» men tabiǵi resýrstardy keshendi basqarý úshin túrli tásildemelerdi synaý alańy sanalatyn aimaq.
Qazirgi tańda dúniejúzilik biosferalyq qoryqtar jelisinde 120 elde ornalasqan 700 nysan bar.
