2006 jyly 11 aqpanda, iaǵni osydan týra 18 jyl buryn belgili saiasatker, saiasi oppozitsioner Altynbek Sársenbaiuly eki kómekshisimen joǵalyp ketken edi. Eki kún ótkende olardyń denesin kezdeisoq adamdar Almatyda taý ishinen taýyp aldy. Marqumnyń týystary Altynbek Sársenbaiuly qazasynyń shyndyǵy áli kúnge deiin ashylǵan joq dep esepteidi.
Altynbek Sársenbaiuly 1962 jyly 12 qyrkúiekte Almaty oblysynda dúniege kelgen. 1985 jyly M. Lomonosov atyndaǵy Máskeý memlekettik ýniversitetin jýrnalistika mamandyǵy boiynsha bitirgen.
Ýniversitetti aiaqtaǵannan keiin Qazaq telegraf agettiginde, «Arai-Zaria» jýrnalynyń redaktory, «Órken-Gorizont» gazetiniń bas redaktory bolyp qyzmet etti.
1992 jyldan A. Sársenbaiuly Prezident apparatynda, Qazaqstan Respýblikasy Ministrler Kabinetinde jaýapty qyzmetter atqardy.
1993 jyldan bastap on jyl boiy baspa, aqparat jáne mádeniet salasynyń memlekettik organdaryn basqardy. 1993 jyldan Baspa jáne aqparat ministri, 1994 - 1995 jyldan Baspa jáne aqparat jónindegi Ulttyq agenttiktiń tóraǵasy, 1997 jyldan Qoǵamdyq kelisim jáne aqparat ministri, 1999 jyldan Qazaqstan Respýblikasy qoǵamdyq kelisim, aqparat jáne mádeniet ministri.
1995 - 2001 jyldyń mamyrynan jeltoqsanyna deiin Qazaqstan Respýblikasy Qaýipsizdik keńesiniń hatshysy — Qazaqstan Respýblikasy Prezidentiniń Ulttyq Qaýipsizdik jónindegi kómekshisi. 2002 jyldyń qańtarynan diplomatiialyq qyzmette, Resei Federatsiiasyndaǵy Qazaqstan Respýblikasynyń Tótenshe jáne Ókiletti Elshisi qyzmetin atqarǵan.
2003 jyldan bastap A.Sársenbaiuly óz erkimen Prezidentke otstavkaǵa shyǵýǵa aryz berip, qoǵamdyq-saiasi qyzmetpen ainalysty. 2003 jyldyń qarasha aiynda «Aq jol» Demokratiialyq partiiasynyń III sezinde biraýyzdan teń tóraǵa etip sailandy. 2005 jyldyń sáýirinen «Naǵyz Aq Jol» Qazaqstan Demokratiialyq partiiasynyń teń tóraǵasy.
