Ánshi Altynai Jorabaeva áleýmettik jelide joldasy Álisherdiń qyzy Ainaranyń uzatý toiyna ne sebepti qatyspaǵanyn aityp berdi, dep habarlaidy ult.kz.
Óner iesiniń sózinshe, buǵan otbasy bastan ótkergen qaiǵyly jaǵdai sebep bolǵan. Ol jarty jyl buryn joldasynyń týǵan baýyry kenetten dúnieden ótkenin, sodan keiin olardyń áýletinde bir jyl boiy aza tutý dástúri saqtalatynyn jetkizdi.
Sol sebepti Álisher toiǵa qatyspaý týraly sheshim qabyldaǵan. Degenmen ol qyzynyń uzatý rásimin keiinge qaldyrmai, qudalardy kútip alyp, barynsha qurmet kórsetýdi jón kórgen.
Altynai Jorabaeva joldasynyń toidyń barlyq uiymdastyrý jumysyna belsendi aralasqanyn da erekshe atap ótti. Onyń aitýynsha, Álisher daiyndyqtyń basy-qasynda júrip, barlyq jaýapkershilikti óz moinyna alǵan.
Sóz sońynda ánshi jaryna alǵysyn bildirip, aldaǵy ýaqytta tórt qyzynyń da qýanyshyn birge qarsy alyp, toilaryn amandyqpen birge ótkizýdi Alladan tileitinin jazdy.
