«Qazatomónerkásiptiń» burynǵy basshysy Muhtar Jákishevtiń qyzy Altynai Jákisheva áleýmettik jelide ózine jáne jubaiyna qatysty aitylǵan pikirlerge jaýap berdi, dep habarlaidy ult.kz Arasha.kz saityna silteme jasap.
Londonda ótken úilený toiynan keiin jeli qoldanýshylary kúieý jigittiń ulty men tegine qatysty túrli pikir bildirgen. Osyǵan bailanysty Altynai Jákisheva arnaiy jazba jariialap, mahabbattyń ultqa, násilge nemese memlekettik shekaralarǵa táýeldi emes ekenin aitty.
Onyń sózinshe, mahabbat adam ómirindegi eń mańyzdy qundylyqtardyń biri bolyp sanalady jáne adamdardy bólmeýi kerek.
Sondai-aq ol qoǵamda jekkórýshilik pen qorqynyshtyń beleń alýyna ókinish bildirip, adamdardy bir-birine túsinistikpen qaraýǵa shaqyrdy.
«Mahabbat – adamnyń shynaiy bolmysy. Biz súiispenshilik úshin jaratyldyq», – dep jazdy ol.
Altynai Jákisheva oqyrmandaryna izgi tilegin arnap, barshaǵa jan tynyshtyǵy men baqyt tiledi.
Buǵan deiin Muhtar Jákishev te qyzynyń tańdaýyn qoldaitynyn málimdegen bolatyn. Onyń aitýynsha, eń bastysy – qyzynyń baqytty bolýy. Sonymen qatar ol qudalarymen tanysyp, olar týraly jyly pikir bildirgen.
Aita keteiik, Altynai Jákishevanyń úilený toiy 2026 jyldyń mamyr aiynda Ulybritaniianyń London qalasynda ótken.
