QR Ulttyq banki tóraǵasynyń orynbasary Áliia Moldabekova altyn qunynyń altyn valiýtalyq rezervke qalai yqpal etetinin túsindirdi, dep habarlaidy "Ult aqparat".
Ótken aida altyn baǵasy 73 dollarǵa nemese 3,7%-ǵa kemidi, bul altyn valiýta rezervteri kóleminiń tómendeýine áser etti.
«Qyrkúiekte rezervter 35,4 dollardan 33,8-ge deiin qysqardy. Altyn portfeli shamamen 800 mln dollarǵa azaidy. Rezervter tómendeýine basqa da faktorlar yqpal etti. Ekinshi deńgeili bankterdiń Ulttyq banktegi shottarynda ustaityn qarajatynyń 450 mln dollarǵa azaiýy, 232 mln dollarǵa interventsiia júrgizý, sondai-aq 100 mln dollar syrtqy boryshty tóleý áser etti», - dedi Áliia Moldabekova.
Altyn valiýta rezervteriniń 2/3-si altynnyń enshisinde.
«Aǵymdaǵy naryqtyq jaǵdailarda, portfelde altynnyń joǵary úlesi ózin aqtaidy jáne rezervterdiń saqtalýyn qamtamasyz etedi dep esepteimiz», - dedi spiker.
