Jas aqyndar men jazýshylardy anyqtaityn dástúrli «Altyn tobylǵy» baiqaýy jariialandy, dep habarlaidy "Ult aqparat" Memlekettik tildi damytý qoryna silteme jasap.
Nursultan Nazarbaev qory elimizdegi eń úzdik jas aqyndar men jazýshylardy anyqtaityn dástúrli «Altyn tobylǵy» ádebi baiqaýyn jetinshi ret uiymdastyryp otyr.
Baiqaýdyń basty maqsaty — qazirgi zamanǵy qazaqstandyq kórkem ádebietti damytý, jas qalamgerlerdi qoldaý jáne olardyń shyǵarmashylyǵyn nasihattaý.
Júlde tómendegi nominatsiialar boiynsha taǵaiyndalady, ár nominatsiia jeńimpazyna «Altyn tobylǵy» ádebi syilyǵynyń laýreaty ataǵy jáne qarjylai syilyq tabys etiledi:
«Jyldyń úzdik prozasy» (2 mln)
«Jyldyń úzdik poeziiasy» (2 mln)
«Jyldyń úzdik dramatýrgiiasy» (2 mln)
«Jyldyń balalarǵa arnalǵan úzdik shyǵarmasy» (2 mln)
«Táýelsizdiktiń 30 jyldyǵyna arnalǵan úzdik ádebi týyndy» (arnaiy nominatsiia) (3 mln)
Baiqaýǵa qatysýǵa 18-35 jas aralyǵyndaǵy jas ádebietshiniń qazaq jáne orys tilindegi shyǵarmasy qabyldanady. Avtor eki nominatsiiaǵa qatysýǵa quqyly. Konkýrstyq irikteýge bir avtordan — buryn esh jerde jariialanbaǵan eki shyǵarmaǵa deiin qabyldanady. Ótinim qabyldaý merzimi 20 tamyzǵa deiin.
Qatysýǵa ótinimdi poshta arqyly myna mekenjaiǵa jiberý qajet: Nur-Sultan qalasy, Á.Bókeihan kóshesi 1, Nursultan Nazarbaev qory, sondai-aq ótinimdi at2021@fnn.kz elektrondy poshtasyna jiberý qajet.
***
Dástúrli «Altyn tobylǵy» ádebi baiqaýynyń
Erejesi
1. Jalpy erejeler
1. Osy Ereje Nursultan Nazarbaev Qory taǵaiyndaǵan «Altyn tobylǵy» ádebi júldesin (budan ári - Júlde) berý tártibin belgileidi.
2. Júldeniń maqsaty - qazirgi zamanǵy Qazaqstannyń kórkem ádebietin damytý, jas qalamgerlerge qoldaý kórsetý jáne olardyń shyǵarmalaryn nasihattaý.
3. Júldeniń mindetteri:
- jańa urpaqtyń qazirgi zamanǵy kórkem ádebiettegi ómirlik filosofiialyq qaǵidattaryn beineleitin jas qazaqstandyq qalamgerlerdi anyqtaý jáne kótermeleý;
- tyń ádebi úrdisterdiń qalyptasýyna qoldaý kórsetý;
- qazirgi zamanǵy ádebiettegi jańa esimderdi kópshilik qaýymǵa tanystyrý.
4. Júldeniń quryltaishysy men uiymdastyrýshysy - Nursultan Nazarbaev Qory (budan ári - Júlde quryltaishysy nemese N.Nazarbaev Qory).
Júldeni taǵaiyndaý boiynsha konkýrs ótkizýdiń seriktesteri: Qazaqstan Jazýshylar odaǵy jáne Memlekettik tildi damytý qory.
5. Júlde konkýrs negizinde tómendegi nominatsiialar boiynsha taǵaiyndalady:
1) «Jyldyń úzdik prozasy»;
2) «Jyldyń úzdik poeziiasy»;
3) «Jyldyń úzdik dramatýrgiiasy»;
4) «Jyldyń balalarǵa arnalǵan úzdik shyǵarmasy»;
5) «Táýelsizdiktiń 30 jyldyǵyna arnalǵan úzdik ádebi týyndy».
6. Árbir nominatsiia jeńimpazyna «Altyn tobylǵy» ádebi júldesiniń laýreaty ataǵy jáne 2 million teńge kóleminde syiaqy beriledi. 3 million teńge kólemindegi arnaiy syiaqy «Táýelsizdiktiń 30 jyldyǵyna arnalǵan úzdik ádebi týyndy» nominatsiiasy jeńimpazyna beriledi.
2. Ótkizý tártibi
Konkýrs bastalǵany týraly habarlandyrý N.Nazarbaev Qorynyń saitynda www.fnn.kz jáne buqaralyq aqparat quraldarynda jariialanady.
Shyǵarmalar 2021 jylǵy 20 sáýirden 20 tamyzǵa deiingi aralyqta qabyldanady.
Konkýrstyń qorytyndysy 2021 jylǵy qyrkúiek aiynda jariialanady.
3. Júldege ádebi týyndylardy usyný tártibi
- Konkýrsqa 18-35 jas aralyǵyndaǵy jas qalamgerlerdiń qazaq jáne orys tilindegi shyǵarmalary qabyldanady.
- Bir avtor tek eki nominatsiiaǵa qatysýǵa quqyly.
- Baiqaýǵa «Altyn tobylǵy» baiqaýynyń burynǵy jeńimpazdary qatysa almaidy.
- Avtorlyq jumystarǵa qoiylatyn talaptar:
- Konkýrsqa bir avtordyń buryn esh jerde jariialanbaǵan eki shyǵarmasy ǵana qabyldanady;
- konkýrsqa beinormalyq qoldanystaǵy sózder kezdesetin, etikalyq normalar men avtorlyq quqyqtary buzylǵan shyǵarmalar qabyldanbaidy;
- shyǵarma A4 formatynda, mátini 14 kólemindegi Times New Roman qarpimen 1 aralyqta terilýi kerek. Mátinniń kólemine qoiylatyn shekteý:
- proza úshin - 35 betten kem emes;
- poeziia úshin - 5 betten kem emes;
- dramalyq shyǵarma úshin - 30 betten kóp emes;
- balalar ádebieti úshin - 25 betten kóp emes;
- «Táýelsizdiktiń 30 jyldyǵyna arnalǵan úzdik ádebi týyndy» taqyrybyndaǵy túrli janrdaǵy ádebi shyǵarma (proza - 35 betten kem emes; poema - 5 betten kem emes; drama - 30 betten kóp emes; balalar shyǵarmasy - 25 betten kem emes).
- Konkýrsqa jiberiletin ótinim «Altyn tobylǵy» degen belgi qoiylyp bir konvertpen mynadai tártippen jiberilýi kerek:
Konvertke bólek salynatyndar 1) avtordyń aty-jóni kórsetilmei bir danada basyp shyǵarylǵan shyǵarma, 2) avtordyń ózi týraly málimetter osy konverttiń ishinde jeke konvertte bolýy tiis: aty, tegi, ákesiniń aty, týǵan jyly, turǵylyqty mekenjaiy, bailanys telefondary, e-mail.
4. Ótinimder poshtamen Nur-Sultan qalasy, A.Bókeihan kóshesi, 1 úi, Nursultan Nazarbaev Qory mekenjaiyna jáne at2021@fnn.kz elektrondyq poshta boiynsha jiberilýi tiis.
5. Konkýrsqa qatysýǵa ótinim bere otyryp, avtor:
- óziniń avtorlyǵyn rastaidy;
- Júldeniń uiymdastyrýshylaryna shyǵarmalardy buqaralyq aqparat quraldarynda, Uiymdastyrýshynyń uiǵarymy boiynsha jinaqtarda jáne ǵalamtorda jariialaýǵa ruqsat beredi;
- avtorlyq gonorardy talap etpeidi.
6. Qabyldanǵan shyǵarmalar retsenziialanbaidy jáne qaitarylmaidy.
7. Jumystardy Konkýrsqa jiberýge jáne saltanatty marapattaý rásimine qatysýǵa bailanysty shyǵyndardy qatysýshylar ózderi óteidi.
4. Jeńimpazdardy anyqtaý tártibi
1. Qoljazbalardy baǵalaý jáne Júlde jeńimpazdaryn (laýreattardy) anyqtaýdy Konkýrstyń Quryltaishysy elimizge tanymal aqyn-jazýshylardan, baspa ókilderinen, sondai-aq baiqaý quryltaishylary men seriktesteri ókilderinen jasaqtaǵan (7 adamnan kem emes) Qazylar alqasy júzege asyrady.
2. Qazylar alqasynyń quramy men Tóraǵasyn Konkýrstyń Quryltaishysy bekitedi.
3. Qazylar alqasynyń Júldeniń talaptaryna sáikes kelmeitin shyǵarmalardy qaramaýǵa (sonymen qatar anonimdi shyǵarmalardy) quqy bar.
4. Konkýrsqa usynylǵan shyǵarmalar qazylar alqasy múshelerine anonimdi túrde jiberiledi (avtordyń esimi atalmaidy).
5. Qorytyndy sheshim qazylar alqasynyń jalpy sanynan keminde 2/3 kvorýmy bolǵan jaǵdaida ashyq daýys berý arqyly qabyldanady.
6. Konkýrsqa usynylǵan týyndylardy ádil baǵalaý úshin barlyq jumystar anonimdi túrde qaralady. Konkýrsqa usynylǵan jumystardy baǵalaý kezinde shyǵarmanyń ózektiligi men avtordyń oilaý derbestigi, ustanymy, baiandaý rettiligi men maǵynalylyǵy, ideia ereksheligi, ádebi-kórkem qundylyǵy, estetikalyq áser tereńdigi basshylyqqa alynady.
7. Qorytyndy sheshim qabyldanǵanǵa deiin anonimdilik saqtalady.
8. Qazylar alqasynyń sheshimi aqyrǵy bolyp tabylady jáne qaita qaralmaidy.
9. Konkýrsqa laiyqty shyǵarmalar túspegen jaǵdaida, Qazylar alqasy Uiymdastyrýshylarǵa sol nominatsiia boiynsha júldeni tolyǵymen bermeýge nemese jartylai berý týraly usynys jasaýǵa quqyly.
