Qazaqstan Respýblikasy Tuńǵysh Prezidenti – Elbasy Qory biyl úshinshi ret ótetin dástúrli «Altyn Tobylǵy» ádebiet baiqaýyna ótinimderdi qabyldaý bastalǵany týraly habarlaidy. Syiaqynyń jalpy qory – 5,5 million teńge.
Baiqaýdyń negizgi maqsaty – ulttyq ádebiette jańa esimderdi qalyptastyrý jáne jas qalamgerlerdiń ómirlik filosofiiasyn kórsetetin qazirgi zamanǵy ádebietke qoǵamnyń qyzyǵýshylyǵyn arttyrý bolyp tabylady.
Jobanyń seriktesteri – Qazaqstan Jazýshylar odaǵy jáne Memlekettik tildi damytý qory.
QR Tuńǵysh Prezidenti – Elbasy Qory «Altyn Tobylǵy» ádebiet syilyǵyn alǵash ret 2015 jyly taǵaiyndaǵan. Baiqaý Qazaqstannyń jas talanttaryn qoldaýǵa baǵyttalǵan jáne olardyń ádebiet salasyndaǵy shyǵarmashylyq áleýetin kópshilikke tanymal etýge múmkindik beredi. Jas aqyn-jazýshylar, prozaikter men dramatýrgterdiń jańa esimderi elge tanymal bolyp, shyǵarmalary qazirgi zamanǵy ádebiette laiyqty orynǵa ie bolady.
Baiqaýǵa elimizdiń 18-35 jas aralyǵyndaǵy jas daryndar qatysa alady jáne budan buryn esh jerde jariialanbaǵan týyndylar ǵana qabyldanady.
«Altyn Tobylǵy» syilyǵy «Úzdik proza», «Úzdik poeziia», «Úzdik dramatýrgiia», «Úzdik balalarǵa arnalǵan shyǵarma» siiaqty tórt nominatsiia boiynsha taǵaiyndalǵan. Árbir nominatsiianyń jeńimpazyna 1 million teńge syiaqy beriledi. Sonymen qatar, biylǵy jyly QR Prezidenti N.Á.Nazarbaevtyń «Bolashaqqa baǵdar: rýhani jańǵyrý» atty maqalasyndaǵy maqsattardy júzege asyrýǵa arnalǵan arnaiy taqyryptyq nominatsiia jariialandy. Bul «Týǵan el» nominatsiiasy boiynsha syiaqy 1,5 million teńge kóleminde belgilendi.
Shyǵarmalardy elimizdiń tanymal mádeniet qairatkerleri, aqyn-jazýshylar men jýrnalisterinen quralǵan Qazylar alqasy saraptaityn bolady.
Baiqaýǵa usynylǵan jumystar janrǵa sáikestik, oilaý derbestigi, avtorlyq ustanym, baiandaý rettiligi men maǵynalylyǵy, ideia ereksheligi, ádebi-kórkem qundylyǵy, kórkemdik qiial men shyǵarmashylyq kózqaras, estetikalyq áser tereńdigi siiaqty ólshemder boiynsha baǵalanady. Baiqaýǵa usynylǵan týyndylardy baǵalaý ádildigi barynsha jetildirilgen. Shyǵarma laqap atpen qabyldanyp, saraptaý kezinde qazylyr alqasy shyǵarmalar avtorlarynyń esimderin bilmeitin bolady.
Ótinimder 2017 jylǵy 1 shilde men 1 qarasha aralyǵynda qabyldanady. Jeńimpazdar esimi (syilyq laýreattary) 2017 j. jeltoqsan aiynda jariialanady.
Qazaqstan Respýblikasy Tuńǵysh Prezidenti – Elbasy Qory – 2000 jyly Nursultan Nazarbaevtyń jeke bastamasymen qurylǵan kommertsiialyq emes uiym. Qor áleýmettik, qaiyrymdylyq, mádeni, bilim berý jáne basqa da qoǵamǵa paidaly jobalardy iske asyryp keledi.
Dástúrli «Altyn tobylǵy» ádebiet týyndylary baiqaýynyń
Erejesi
1. Jalpy erejeler
Osy Ereje Qazaqstan Respýblikasynyń Tuńǵysh Prezidenti – Elbasynyń Qory taǵaiyndaǵan ádebiet salasyndaǵy «Altyn tobylǵy» syilyǵyn (budan ári «Syilyq») berý tártibin belgileidi.
2. Syilyqtyń maqsaty – qazirgi zamanǵy qazaqstandyq ádebietti damytý, qoldaý kórsetý jáne nasihattaý.
3. Baiqaýdyń mindetteri:
1) jańa urpaqtyń qazirgi zamanǵy kórkem ádebiettegi ómirlik filosofiialyq qaǵidattaryn beineleitin jas qazaqstandyq qalamgerlerdi anyqtaý jáne yntalandyrý;
2) tyń ádebi úrdisterdiń qalyptasýyna qoldaý kórsetý;
3) qazirgi zamanǵy ádebiettegi jańa esimderdi kópshilik qaýymǵa tanystyrý.
4. Syilyq quryltaishysy men uiymdastyrýshy - Qazaqstan Respýblikasynyń Tuńǵysh Prezidenti – Elbasynyń Qory (budan ári Syilyq quryltaishysy nemese Tuńǵysh Prezident Qory.
Syilyqty taǵaiyndaý baiqaýyn ótkizýdegi Joba seriktesteri: Qazaqstan Jazýshylar odaǵy jáne Memlekettik tildi damytý qory.
5. Syilyq baiqaý negizinde tómendegidei nominatsiialar boiynsha taǵaiyndalady:
1) «Jyldyń úzdik prozasy»;
2) «Jyldyń úzdik poeziiasy»;
3) «Jyldyń úzdik dramatýrgiiasy»;
4) «Jyldyń balalarǵa arnalǵan úzdik shyǵarmasy»;
5) «Týǵan el» taqyrybyndaǵy arnalǵan úzdik ádebi týyndy.
6. Árbir nominatsiia jeńimpazyna ádebiet salasyndaǵy «Altyn tobylǵy» Syilyǵynyń laýreaty ataǵy jáne 1 million teńge kóleminde syiaqy beriledi. 1,5 million teńge kólemindegi arnaiy syiaqy «Týǵan el» arnalǵan taqyryptyq nominatsiia jeńimpazyna beriledi.
2. Ótkizý tártibi
Baiqaýdyń bastalǵandyǵy týraly habarlandyrý Tuńǵysh Prezidenti Qorynyń saitynda www.fpp.kz jáne buqaralyq aqparat quraldarynda jariialanady.
Shyǵarmalar 2017 jylǵy 1 shildeden men 1 qarashaǵa deiingi aralyqta qabyldanady.
Baiqaý qorytyndysy 2017 jyly jeltoqsannyń birinshi onkúndiginde jariialanady.
3. Syilyqqa ádebi týyndylardy usyný tártibi
- Baiqaýǵa 18-35 jas aralyǵyndaǵy jas qalamgerlerdiń qazaq jáne orys tilindegi shyǵarmalary qabyldanady.
- Bir avtor eki nominatsiiaǵa qatysýǵa quqyly.
- Avtorlyq jumystarǵa qoiylatyn talaptar:
1) baiqaýǵa bir avtordyń buryn esh jerde jariialanbaǵan eki shyǵarmasy ǵana qabyldanady;
2) baiqaýǵa beinormalyq qoldanystaǵy sózder kezdesetin, etikalyq normalar men avtorlyq quqyqtar buzylǵan shyǵarmalar qabyldanbaidy;
3) shyǵarma A-4 formatynda, mátin 14 kólemindegi Times New Roman shriftimen 1,5 aralyqta terilýi kerek. Mátinniń kólemine qoiylatyn shekteý:
- proza úshin – 35 betten kem emes;
- poeziia úshin – 5 betten kem emes;
- dramalyq shyǵarma úshin – 30 betten kóp emes;
- balalar ádebieti úshin – 25 betten kóp emes;
- «Týǵan el» taqyrybyna arnalǵan túrli janrdaǵy ádebi shyǵarma (proza – 35 betten kem emes; poema – 5 betten kem emes; drama – 30 betten kóp emes; balalar shyǵarmasy – 25 betten kem emes;).
4) Baiqaýǵa jiberiletin ótinim «Altyn tobylǵy» dep belgi qoiylyp bir konvertpen mynadai tártippen jiberilýi kerek:
Konvertke bólek salynatyndar 1) avtordyń aty-jóni kórsetilmei bir danada basyp shyǵarylǵan shyǵarma, 2) avtordyń ózi týraly málimetter osy konverttiń ishinde jeke konvertte bolýy tiis: aty, tegi, ákesiniń aty, týǵan jyly, turǵylyqty mekenjaiy, bailanys telefondary, e-mail.
4. Ótinimder poshtamen Astana qalasy, Á.Bókeihan kóshesi, 10 úi, Qazaqstan Respýblikasynyń Tuńǵysh Prezidenti – Elbasynyń Qory mekenjaiyna jáne at2017@fpp.kz elektrondyq poshtasyna jiberilýi tiis.
5. Baiqaýǵa qatysýǵa ótinim bere otyryp, avtor:
1) óziniń avtorlyǵyn rastaidy;
2) Syilyq uiymdastyrýshylaryna shyǵarmalardy buqaralyq aqparat quraldarynda, Uiymdastyrýshynyń uiǵarymy boiynsha jinaqtarda jáne ǵalamtorda jariialaýǵa ruqsatyn beredi;
3) avtorlyq gonorardy talap etpeidi.
6. Qabyldanǵan shyǵarmalar retsenziialanbaidy jáne qaitarylmaidy.
7. Jumystardy Baiqaýǵa jiberýmen jáne saltanatty marapattaý rásimine qatysýmen bailanysty shyǵyndardy qatysýshylar ózderi óteidi.
4. Jeńimpazdardy anyqtaý tártibi
1. Qoljazbalardy baǵalaý jáne Syilyq jeńimpazdaryn (laýreattardy) anyqtaýdy Syilyq Quryltaishysy elimizge tanymal aqyn-jazýshylardan, baspa ókilderinen, sondai-aq baiqaý quryltaishylary men seriktesteri ókilderinen jasaqtaǵan (7 adamnan kem emes) Qazylar alqasy júzege asyrady.
2. Qazylar alqasynyń quramy men Tóraǵasyn Syilyq Quryltaishysy bekitedi.
3. Qazylar alqasynyń Syilyq talaptaryna sáikes kelmeitin shyǵarmalardy qaramaýǵa (sonymen qatar anonimdi shyǵarmalardy) quqy bar.
4. Baiqaýǵa usynylǵan shyǵarmalar qazylar alqasy múshelerine anonimdi túrde jiberiledi (avtordyń esimi atalmaidy).
5. Qorytyndy sheshim qazylar alqasynyń jalpy sanynan keminde 2/3 kvorýmy bolǵan jaǵdaida ashyq daýys berý arqyly qabyldanady.
6. Baiqaýǵa usynylǵan týyndylardy ádil baǵalaý úshin barlyq jumystar anonimdi túrde baǵalanady. Baiqaýǵa usynylǵan jumystardy baǵalaý kezinde shyǵarmanyń ózektiligi men avtordyń oilaý derbestigi, ustanymy, baiandaý rettiligi men maǵynalylyǵy, ideia ereksheligi, ádebi-kórkem qundylyǵy, estetikalyq áser tereńdigi basshylyqqa alynady.
7. Qorytyndy sheshim qabyldanǵanǵa deiin anonimdilik saqtalady.
8. Qazylar alqasynyń sheshimi aqyrǵy bolyp tabylady jáne qaita qaralmaidy.
9. Syilyqqa laiyqty shyǵarmalar túspegen jaǵdaida, Qazylar alqasy Uiymdastyrýshylarǵa sol nominatsiia boiynsha júldeniń tolyq berilmeýi nemese jartylai bólip berý týraly usynys berýge quqyly.
