Aqmola oblysynda baǵaly metaldardy zańsyz óndirýmen ainalysqan toptyń qyzmeti áshkerelenip, altyn óńdeýge arnalǵan jasyryn tseh anyqtaldy, dep habarlaidy ult.kz.
Qarjylyq monitoring agenttiginiń Aqmola oblysy boiynsha departamenti prokýratýranyń úilestirýimen Shortandy aýdanynda júrgizilgen jedel is-sharalar barysynda zańsyz óndiris ornyn anyqtady.
Vedomstvonyń málimetinshe, jasyryn tsehta quramynda altyny bar ken óńdelip, odan baǵaly metaldar bólinip alynǵan.
Tintý barysynda kendi usaqtaýǵa jáne balqytýǵa arnalǵan arnaiy jabdyq, salmaǵy 446 gramm altyn quimasy, 4 tonna altyn quramdy material, 6 keli synap, sondai-aq 2 mln teńgeden astam jáne 8 myń AQSh dollary kólemindegi qolma-qol aqsha tárkilendi.
Sonymen qatar quqyq qorǵaý organdary tintý kezinde qarý men oq-dárilerdi de anyqtady.
Qazirgi ýaqytta zańsyz qyzmetke qatysy bar barlyq tulǵalar men zańsyz óndirilgen baǵaly metaldardyń naqty kólemi anyqtalyp jatyr.
Tergeý málimetinshe, qylmystyq shemany uiymdastyrdy degen kúdikke ilingen azamat qamaýǵa alyndy. Is boiynsha sotqa deiingi tergeý jalǵasýda.
Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat tergeý múddesine bailanysty jariia etilmeidi.
