اقمولا وبلىسىندا باعالى مەتالداردى زاڭسىز ٶندٸرۋمەن اينالىسقان توپتىڭ قىزمەتٸ ەشكەرەلەنٸپ, التىن ٶڭدەۋگە ارنالعان جاسىرىن تسەح انىقتالدى, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ اقمولا وبلىسى بويىنشا دەپارتامەنتٸ پروكۋراتۋرانىڭ ٷيلەستٸرۋٸمەن شورتاندى اۋدانىندا جٷرگٸزٸلگەن جەدەل ٸس-شارالار بارىسىندا زاڭسىز ٶندٸرٸس ورنىن انىقتادى.
ۆەدومستۆونىڭ مەلٸمەتٸنشە, جاسىرىن تسەحتا قۇرامىندا التىنى بار كەن ٶڭدەلٸپ, ودان باعالى مەتالدار بٶلٸنٸپ الىنعان.
تٸنتۋ بارىسىندا كەندٸ ۇساقتاۋعا جەنە بالقىتۋعا ارنالعان ارنايى جابدىق, سالماعى 446 گرامم التىن قۇيماسى, 4 توننا التىن قۇرامدى ماتەريال, 6 كەلٸ سىناپ, سونداي-اق 2 ملن تەڭگەدەن استام جەنە 8 مىڭ اقش دوللارى كٶلەمٸندەگٸ قولما-قول اقشا تەركٸلەندٸ.
سونىمەن قاتار قۇقىق قورعاۋ ورگاندارى تٸنتۋ كەزٸندە قارۋ مەن وق-دەرٸلەردٸ دە انىقتادى.
قازٸرگٸ ۋاقىتتا زاڭسىز قىزمەتكە قاتىسى بار بارلىق تۇلعالار مەن زاڭسىز ٶندٸرٸلگەن باعالى مەتالداردىڭ ناقتى كٶلەمٸ انىقتالىپ جاتىر.
تەرگەۋ مەلٸمەتٸنشە, قىلمىستىق سحەمانى ۇيىمداستىردى دەگەن كٷدٸككە ٸلٸنگەن ازامات قاماۋعا الىندى. ٸس بويىنشا سوتقا دەيٸنگٸ تەرگەۋ جالعاسۋدا.
قازاقستان رەسپۋبليكاسى قىلمىستىق-پروتسەستٸك كودەكسٸنٸڭ 201-بابىنا سەيكەس ٶزگە اقپارات تەرگەۋ مٷددەسٸنە بايلانىستى جارييا ەتٸلمەيدٸ.
