Altyn ordanyń 750 jyldyǵy týrizmdi damytý turǵysynan toilanady. Memleket basshysy Qasym-Jomart Toqaev Qazaqstan halqyna Joldaýyn jariialaǵanda osylai málim etti, dep habarlaidy "Ult aqparat".
«Týrizmdi damytýǵa airyqsha mán beriledi. Ásirese ekologiialyq jáne etnotýrizmge ekonomikanyń mańyzdy baǵyty retinde kóńil bólinýi tiis. Altyn ordanyń 750 jyldyǵy týristerdiń nazaryn tarihymyz ben mádenietimizge, jerimizdiń tabiǵatyna aýdarý turǵysynan toilanýy kerek», - dedi Prezident.
Eske sala ketsek, 2019 jyldyń 24 tamyzynda ótken «Ulytaý – 2019» halyqaralyq týristik forýmyna qatysqan Memleket basshysy Qasym-Jomart Toqaev Altyn ordanyń 750 jyldyǵyn merekeleý aiasynda birqatar jumys jasalý kerektigin atap ótken edi. Prezident Altyn ordanyń negizin qalaǵan Joshy hannyń esimin ulyqtaýdy mindetti túrde qolǵa alýdy usyndy. Onyń aitýynsha, Joshynyń mazary qazaq jerinde turǵanyn búginde elimizdegi jáne sheteldegi jurtshylyqtyń kóbi bile bermeidi.
.jpeg)