video kadry
"Altyn Orda" bazary mańyndaǵy tasjolda júk kóligi men jeńil kólik jol apatyna ushyrady, - dep habarlaidy Tengrinews.kz saity.
Video áleýmettik jelilerde tarap jatyr. Kadrlardan soqtyǵys saldarynan kólikter jol boiyndaǵy beton bloktarǵa soǵylǵanyn kórýge bolady.
Oblystyq Politsiia departamenti málimetinshe, jol apaty Almaty-Bishkek tasjolynyń 18-shaqyrymynda bolǵan.
"Aldyn ala málimet boiynsha, Shacman markaly júk kóliginiń 34 jastaǵy júrgizýshisi rýldi basqara almai, BMW markaly avtokólikpen soqtyǵysqan, sodan keiin jeńil kólik soqqy inertsiiasynan beton blokqa soǵylǵan. Jol-kólik oqiǵasy saldarynan jeńil avtokóliktiń jolaýshysy dene jaraqatyn alyp, Almaty qalasynyń aýrýhanasyna jetkizildi", - dep habarlady politsiianyń baspasóz qyzmeti.
Qazirgi ýaqytta túpkilikti protsessýaldyq sheshim qabyldaý úshin saraptamalar taǵaiyndalyp, barlyq qajetti tergeý áreketteri júrgizilip jatyr.
"Quqyq buzýshyǵa qatysty QR ÁQBtK-niń 610-baby boiynsha ákimshilik hattama toltyryldy", - dep qosty politseiler.
