Almaty irgesindegi «Altyn Orda» bazarynda janjaldasqan kólik júrgizýshi men avtoturaq qyzmetkeri tatýlasyp, qylmystyq is toqtatyldy, dep habarlaidy "Ult aqparat".
«Altyn Orda» bazarynda janjaldasqandar tatýlasyp, qylmystyq is toqtatyldy. Qos tarap óz kinálaryn moiyndap, bir-birlerinen keshirim surady jáne istiń toqtatylýyn ótindi», - delingen Almaty oblystyq Politsiia departamenti baspasóz qyzmetiniń resmi málimdemesinde.
Esterińizge sala keteiik, 30 naýryzdaǵy eki azamat arasyndaǵy janjal avtoturaq aqysyna qatysty shyqqan. Qaltasynda 100 teńgeniń joqtyǵyn aitqan kólik júrgizýshisi 20 myń teńge bere alatynyn bolmasa tólemdi bank kartasyna aqsha aýdarý arqyly jasai alatynyn jetkizedi. Biraq avtoturaq qyzmetkeri aýdarymdy qabyldai almaitynyn aityp, kólik iesiniń avtoturaqtan shyǵýyn ótinedi. Osy sátte turaq qyzmetkeriniń sóileý máneri unamaǵan júrgizýshi kólikten túsedi. Ary qarai sózge kelispei qalǵan azamattar arasynda janjal týyndaidy. Jazbaǵa kólik qojaiynyna qyzmetkerdiń pyshaq ala júgirgen sáti men júrgizýshiniń avtoturaqta jumys isteitin azamatty jaǵasynan alyp, basymen urǵan kezi túsip qalǵan. Artynsha bazarǵa kelgen adam kóligine otyryp, oqiǵa ornynan ketýge árekettenedi. Osy sátte bazardaǵylar kóliktiń ketýine kedergi jasaýǵa tyrysady. Istiń nasyrǵa shapqany sonsha osy kikiljińge qatysty qylmystyq is qozǵaldy.
«Buzaqylyq» baby boiynsha qozǵalǵan is qos taraptyń tatýlasýyna bailanysty toqtatyldy.
