QR Indýstriia jáne infraqurylymdyq damý vitse-ministri Berik Kamaliev Almatyǵa issapar barysynda «Altyn orda» bazary mańyndaǵy avtojol ýchaskesin rekonstrýktsiialaý jumysymen tanysty, dep habarlaidy QazAqparat.
«Almaty qalasyndaǵy «Altyn Orda» bazary aýdanyndaǵy avtojol ýchaskesin rekonstrýktsiialaý jumystaryn aldyńǵy merdiger kompaniia qarqyndy túrde júrgize almaǵan soń, ony jumystan shettetip, basqa merdiger kompaniia, iaǵni, «Sine Midas Stroi» kompaniiasymen kelisimshart jasastyq. Qazir osy kompaniia jumys júrgizýde. Qazir kórip tursyzdar, kólik jolairyǵyndaǵy jumystyń 90% bitti. Qazan aiynyń sońyna deiin jumys tolyq aiaqtalady. Iaǵni, qarasha aiynyń basynda paidalanýǵa beriledi»,-dedi Berik Kamaliev.
Onyń aitýynsha, rekonstrýktsiia barysynda kólik jolynyń sapasyna eshqandai zaqym kelmeidi.
Oblystyq jol zertthanasy jol sapasyn únemi qadaǵalap, tekserip otyrady.
Sonymen birge, qazirgi ýaqytta osy jerdegi estakadanyń qurylysy jedel qarqynmen júrip jatyr.
