Foto: uww.org
Týrizm jáne sport ministrligi erkin kúresten Qazaqstan tarihynda alǵash ret altyn medal jeńip alǵan Rizabek Aitmuhannyń syiaqysyn jariialady, dep habarlaidy "Ult aqparat".
Vedomstvo baspasóz qyzmeti usynǵan aqparatqa sáikes, Rizabektiń ózine 15 myń dollar tabystalady.
«15 myń AQSh dollaryn (qazirgi kýrspen 7 mln teńge) Rizabek alady. Oǵan qosa taǵy 15 myń dollardy jattyqtyrýshylary alady. Bul aqshany paiyzdyq qatysýshylyq degen bar, soǵan qarai jattyqtyrýshylar ózara bólip alady», - dedi QR Týrizm jáne sport ministrliginiń baspasóz hatshysy Móldir Ábdýálieva.
Aita keteiik, Serbiiada ótken álem chempionatynda erkin kúres sheberi Rizabek Aitmuhan 92 kelige deiingi salmaq dárejesinde altyn medal jeńip aldy. Finalda jerlesimiz ázirbaijandyq Osman Nurmaǵamedovty tize búktirdi.
Sondai-aq Prezident Toqaev palýanymyzǵa óz quttyqtaýyn joldady.
