فوتو: uww.org
تۋريزم جەنە سپورت مينيسترلٸگٸ ەركٸن كٷرەستەن قازاقستان تاريحىندا العاش رەت التىن مەدال جەڭٸپ العان ريزابەك ايتمۇحاننىڭ سىياقىسىن جارييالادى, دەپ حابارلايدى "ۇلت اقپارات".
ۆەدومستۆو باسپاسٶز قىزمەتٸ ۇسىنعان اقپاراتقا سەيكەس, ريزابەكتٸڭ ٶزٸنە 15 مىڭ دوللار تابىستالادى.
«15 مىڭ اقش دوللارىن (قازٸرگٸ كۋرسپەن 7 ملن تەڭگە) ريزابەك الادى. وعان قوسا تاعى 15 مىڭ دوللاردى جاتتىقتىرۋشىلارى الادى. بۇل اقشانى پايىزدىق قاتىسۋشىلىق دەگەن بار, سوعان قاراي جاتتىقتىرۋشىلار ٶزارا بٶلٸپ الادى», - دەدٸ قر تۋريزم جەنە سپورت مينيسترلٸگٸنٸڭ باسپاسٶز حاتشىسى مٶلدٸر ەبدۋەليەۆا.
ايتا كەتەيٸك, سەربييادا ٶتكەن ەلەم چەمپيوناتىندا ەركٸن كٷرەس شەبەرٸ ريزابەك ايتمۇحان 92 كەلٸگە دەيٸنگٸ سالماق دەرەجەسٸندە التىن مەدال جەڭٸپ الدى. فينالدا جەرلەسٸمٸز ەزٸربايجاندىق وسمان نۇرماعامەدوۆتى تٸزە بٷكتٸردٸ.
سونداي-اق پرەزيدەنت توقاەۆ پالۋانىمىزعا ٶز قۇتتىقتاۋىن جولدادى.
