Foto: polisia.kz
Jambyl oblysynda politsiia departamenti uiymdasqan qylmysqa qylmysqa qarsy kúres basqarmasynyń qyzmetkerleri prokýratýramen birlesip, «Aqbaqai» ken ornynda áreket etken uiymdasqan qylmystyq toptyń qyzmetin toqtatty.
Qazaqstan ekonomikasynyń strategiialyq aktivteriniń biri baǵaly metaldardyń kóleńkeli ainalymyna qatysty qylmystyq shemalardy áshkereleý boiynsha Ishki ister ministrligi keshendi jumys istep jatyr.
Ásirese altyndy zańsyz óndirý, óńdeý oryndaryn anyqtaýǵa jáne ony shetelge tasymaldaý baǵyttaryn belgileýge erekshe nazar aýdarylyp otyr.
Buǵan deiin IIM tórt óńirde ken óndirýmen ainalysqan birneshe kompaniianyń zańsyz qyzmetiniń joly kesilgeni týraly habarlaǵan.
— Biyl maýsym aiynda Jambyl oblysynda politsiia departamenti uiymdasqan qylmysqa qylmysqa qarsy kúres basqarmasynyń qyzmetkerleri prokýratýramen birlesip, «Aqbaqai» ken ornynda áreket etken uiymdasqan qylmystyq toptyń qyzmetin toqtatty. Top quramyna jergilikti turǵyndar, kombinat qyzmetkerleri men qaýipsizdik qyzmetiniń ókilderi kirgen. Zańsyz óndirýden bastap óńdeýge jáne altyn quramdy shikizatty tasymaldaýǵa deiingi qylmystyq tizbek tolyǵymen áshkerelendi. Olardyń zańǵa qaishy áreketterinen kásiporynǵa keltirilgen zalal 400 million teńgeden asty. Top uiymdastyrýshysy men onyń sybailastaryn ustaý bir mezgilde eldiń tórt óńirinde júrgizildi. Jalpy 50-den astam adam ustaldy. Shamamen 6 kg altyn tárkilendi, ken óńdeitin 8 jasyryn tseh joiyldy. Qylmystyq is birneshe bap boiynsha, sonyń ishinde uiymdasqan qylmystyq top qurý, oǵan basshylyq etý jáne qatysý faktileri boiynsha tergelýde. Tergeý múddesine bailanysty ózge aqparat jariia etilmeidi. Altyn kontrabandasynyń arnalary, ózge de kóleńkeli ainalymdar jáne túpkilikti benefitsiarlardy anyqtaý boiynsha jumys jalǵasyp jatyr, — dedi IIM uiymdasqan qylmysqa qarsy kúres departamentiniń ókili Qýandyq Alpys.
Aita ketelik elýden asqan adamdar internet alaiaqtaryna jii aldanatyny týraly jazǵan edik.
