Foto: ©altynemel_np
"Altyn-Emel" memlekettik ulttyq tabiǵi parki aýmaǵynda Qyzyl kitapqa engen sirek kezdesetin "Tian-Shan" qońyr aiýy fototuzaqqa túsip qaldy, - dep habarlaidy Tengrinews.kz agenttigi.
Bul týraly park Instagram-paraqshasynda habarlady. Alǵashqy fotoda aiý tastyń ústinde otyrǵanyn kórýge bolady.
Al túnde túsirilgen eki sýrette soqpaq jolmen kele jatqan jyrtqysh beinelengen.
Sýret: "Altyn-Emel" parki baspasóz qyzmetinen
"Tian-Shan" qońyr aiýy - Pamir, Tian-Shan jáne Gimalai taýlarynda mekendeitin qońyr aiýdyń jeke túri. 1940 jyldary jyrtqysh Syrdariia Qarataýy aýmaǵynan tolyqtai joiylyp ketken. Qazir ol Tian-Shan jotalaryn, sonymen qatar shetki Altyn-Emel, Toqsanbai, Qoiandytaý, Qaiqan taý silemderi bar Jońǵar Alataýyn mekendeidi.
Aiý KSRO Qyzyl kitabyna, QazSSR Qyzyl kitabyna, sondai-aq Qazaqstannyń Qyzyl kitabyna engizilgen. Sirek kezdesetin aiýdyń bul túri Qazaqstan men Ózbekstan qoryqtarynda qorǵaýǵa alynǵan.
