Foto: QR MAM
2025 jyldyń 5 maýsymynan bastap «Altyn adam» mýltfilmi kórermen nazaryna usynylady, dep habarlaidy Ult.kz.
Týyndy Mádeniet jáne aqparat ministrligi, Ulttyq kino ortalyǵynyń qoldaýymen jaryqqa shyqty. Animatsiialyq filmniń óndirisimen Sh.Aimanov atyndaǵy «Qazaqfilm» kinostýdiiasy ainalysqan. Búgin Astana kinoteatrynda atalmysh mýltfilmniń jabyq kórsetilimi ótti.
«Altyn adam» – ómir otyn izdep, Han táńiri shyńyna shyqqan saq jaýyngeri týraly oqiǵa. Shyǵarmashylyq ujym filmniń ón boiyna altyn adamnyń syrty ǵana emes, jan-dúniesi, rýhy da altyn bolý kerek degen ustanymdy syidyrǵan.
Bul – ulttyq bolmys pen qundylyqtardy, tarihi tulǵalardy dáripteý, qazaqsha kontenttiń salmaǵyn arttyrý baǵytyndaǵy mańyzdy qadam.
Prezident Qasym-Jomart Toqaev aitqandai, qazaq tilinde, ulttyq naqyshta túsirilgen mýltfilmder kóp bolýy qajet. Sondyqtan animatsiiany damytý máselesi ózekti bolyp qala bermek.
Buǵan deiin jabyq kórsetilim Almaty qalasynda ótti. Kórsetilimge kópbalaly analar qorynyń qamqorlyǵyndaǵy balalar, BAQ ókilderi, dýbliaj akterleri men joba avtorlary keldi. Film kórermenniń ystyq yqylasyna bólenip, oń baǵasyn aldy.
