«Altyn adam» kórmesi 2019-2020 jyldary Aziia, Eýropa elderinde jáne AQSh mýzeilerinde tanystyrylatyn bolady, dep habarlaidy QazAqparat tilshisi.
«Altyn adam» kórmesi ótken jyly jeltoqsan aiynda Belarýs astanasy Minskide alǵash uiymdastyrylyp, bir jyl ishinde Máskeý, Baký, Seýl, Gdansk (Polsha) jáne Qytaidyń Sian qalasynda ótti. Ondaǵy maqsat- ejelgi temir dáýirindegi qundy dúnielerdi kórsete otyryp, sheteldikterdi dalalyq órkenietpen tanystyrý. Kórmeniń basy jádigeri árine «Altyn adam», odan bólek sol zamannyń kýási bolatyn arheologiialyq buiymdar qoiyldy. Kórme sheteldikterdiń erekshe qyzyǵýshylyǵyn týǵyzdy, mysaly Qytaidyń Shensi provintsiiasyndaǵy tarihi mýzeige barlyq sany 370 jádiger qoiylyp, ony tamashalaýǵa 170 myńnan astam adam keldi», - dedi QR Ulttyq mýzeii direktorynyń orynbasary Abai Satybaldin.
Onyń aitýynsha, aldaǵy jyldary atalǵan joba óz jalǵasyn taýyp, «Altyn adam» álemniń tanymal mýzeilerine qoiylatyn bolady.
«Aldaǵy jyly atalǵan kórme Ózbekstan, Tatarstan jáne Japoniia elderiniń ulttyq mýzeilerine qoiylady. Al 2020 jyly Eýropanyń Frantsiia, Germaniia, Italiia jáne Gollandiianyń mańdaialdy mýzeilerine, sondai-aq, AQSh-qa aparý josparlanýda. Sonymen qatar, aldaǵy ýaqytta kórme jádigerleriniń sany artyp, onda qoiylatyn buiymdardyń ereksheligine mán beriledi», - dedi ol.
Buǵan deiin habarlaǵanymyzdai, «Altyn adamnyń álem mýzeilerine sherýi» halyqaralyq kórmesi biyl álemniń 6 elinde bolyp, ony 200 myń astam sheteldik kórermen tamashalady.
