QR Ulttyq ekonomika ministri Álibek Qýantyrovtyń aitýynsha, keiingi 6 jylda alǵash ret infliatsiia kólemi 13,2 paiyz mejeden asqan, dep habarlaidy QazAqparat.
«Mysaly AQSh-ta infliatsiia 8 paiyzdan asyp ketti. Bul da olar úshin úlken rekord. Germaniiada, Reseide, Ózbekstanda rekordtar tirkeldi. Qazaqstanda da rekord úlken – sáýirdiń qorytyndysy boiynsha keiingi 6 jylda alǵash ret 13,2 paiyz bolyp otyr. Azyq-túlik infliatsiiasy jalpy tutyný baǵalarynyń indeksine qatty áser etýde. Azyq-túlik baǵasy karantin kezinde logistikalyq tizbekterdiń úzilip, keinigi geosaiasi ahýal bul máseleni ýshyqtyryp jiberdi. Úkimet pen Ulttyq bank tiisti sharalar qabyldap jatyr. Infliatsiiany aýyzdyqtaýǵa arnalǵan sharalar kesheni bar. Ulttyq bank aqsha-kredit saiasatyn júrgizse, Úkimet jedel jáne júieli sharalar qabyldap jatyr. Eń bastysy azyq-túliktiń importyn almastyrýdy 80 paiyzdan 100 paiyzǵa deiin jetkizý maqsat etilip otyr», - dedi ministr.
Sondai-aq, ol azyq-túliktiń negizgi túrlerin Qazaqstannyń óz óndirisi berip otyrǵanyn eske saldy.
«Sút, sút ónimderi, nan-toqash siiaqty ónimder negizinen ózimizde shyǵady. Keibir ónimder boiynsha 100 paiyz otandyq óndiris qamtamasyz etilgen. Birqatar ónimder boiynsha da osy mejege jetýdi kózdelýde. Aýyl sharýashylyǵy, Saýda ministrlikteri tiisti jumystar atqaryp jatyr. Qant boiynsha importty tolyq almastyryp otyrǵan joqpyz. Eldegi qant zaýyttar qajettilikti tolyq jaba almai otyr. Biraq jańa zaýyttar ashý jospary bary. Jarmaǵa kelsek, kóbi ózimizde óndiriledi. Naryqty tolyq qamtamasyz etý úshin tek kólemin ulǵaitý kerek», - dedi Álibek Qýantyrov.
