Endi narkologiialyq, psiho-nevrologiialyq jáne týberkýlezge qarsy anyqtamalardy telegram-bot arqyly jyldam qol jetkizýge bolady.
Qostanai oblysynyń turǵyndary bir jyldan beri qajetti anyqtamalardy mobildi qosymsha arqyly alyp keledi. Ótken aidyń ózinde Telegram-bottyń kómegine júgingender sany 6 myńǵa jetken. Atalǵan qyzmet Densaýlyq saqtaý ministrliginiń jáne «Ulttyq aqparattyq tehnologiialar» kompaniiasynyń birlesken jobasy aiasynda iske qosylǵan bolatyn.
«Bul qyzmet smartfony bar adamdarǵa óte qolaily. Qosymsha arqyly anyqtamalardy alý da tegin. Onda kóbine mekenjai anyqtamasy, sottalmaǵandyǵy týraly, psiho-nevrologiialyq anyqtamalar jii suralady. Sondai-aq, dárigerdiń qabyldaýyna da jazylýǵa bolady», - deidi Qostanai oblysynyń «Azamattarǵa arnalǵan úkimet» bólimshesiniń meńgerýshisi Ásel Naýrazbaeva.
Belgili anyqtamalardy alý úshin «Mobildi azamattar bazasyna» tirkelý qajet. Ol úshin eGov.kz portalyndaǵy ózińizdiń jeke kabinetińizdi bailanystyrý kerek. Sondai-aq, Telegram-bot arqyly 25 qyzmet túrin alýǵa múmkindik bar. Oǵan qosa dárigermen kezdesýge nemese úide otyryp dárigerge qońyraý shalýǵa bolady.
«Mobildi azamattar bazasyna» HQKO-ǵa kelip tirkelýge qajet. Bir rettik tirkelýden ótken soń, qosymshany paidalana berýge bolady», - deidi Ásel Naýrazbaeva.
Telegram qosymshasyn telefonǵa ornatyp, nómerdi tirkeý arqyly qosymshaǵa ený kerek. Qosymshadaǵy izdeý bólimi arqyly @EgovKzBot ataýyn tabý qajet. Bottaǵy qyzmetti bastaý úshin «Bastaý» pármenin tańdaý arqyly qyzmetterdi alýǵa bolady. Bul qosymsha sapaly ári jyldam qyzmet alýǵa kóp septigin tigizbek.
Esterińizge sala keteiik, atqarylyp jatqan jumystardyń barlyǵy «Tsifrlyq Qazaqstan» memlekettik baǵdarlamasynyń aiasynda júzege asyrylyp otyr.
