Koronavirýstyń aldyn alý, diagnostikalaý jáne emdeýge, sondai-aq epidemiiaǵa qarsy is-sharalarǵa qatysqany úshin meditsina qyzmetkerlerine ústemeaqy tóleýge áleýmettik meditsinalyq saqtandyrý qoryna 154,7 mlrd teńge bólindi, dep habarlaidy "Ult aqparat" qordyń baspasóz qyzmetine silteme jasap.
Biylǵy naýryz-qyrkúiek ailary aralyǵynda 135,6 mlrd teńge tólendi. Shyǵynnyń basym bóligin, iaǵni 81,3 mlrd teńgeni epidemiiaǵa qarsy is-sharalarǵa tartylǵan meditsina qyzmetkerleriniń jalaqysyna ústeme qurady.
«Densaýlyq saqtaý ministrligi ortalyq deńgeide jáne jergilikti atqarýshy organdar koronavirýstyń yqtimal ekinshi tolqynyna daiyndyq jumystaryn jalǵastyrýda. Óz kezeginde Qor koronavirýs pen pnevmoniiamen aýyratyn naýqastarǵa kórsetiletin meditsinalyq kómektiń ýaqtyly tólemin júrgizedi. Bul rette, osy aýrýlarmen aýyratyn patsientterge meditsinalyq kómek MÁMS júiesindegi saqtandyrylý mártebesine qaramastan kórsetiledi»,-dep habarlaidy ÁMSQ baspasóz qyzmeti.
Naýryzdan qyrkúiekke deiin provizorlyq jáne karantindik statsionarlarǵa emdeýge jatqyzýdy qarjylandyrýǵa 24,5 mlrd teńgeden astam qarajat jumsaldy, olarda karantindik oqshaýlaý jáne qajet bolǵan jaǵdaida 240 myńnan astam adam emdeldi.
Osy kezeńde infektsiialyq statsionarlarda 72 myń patsient emdeldi. Covid-19 jáne koronavirýstyq pnevmoniiamen aýyratyn naýqastardy ambýlatoriialyq jáne statsionarlyq jaǵdaida emdeýge barlyǵy 18,8 mlrd teńge jumsaldy.
Úidegi statsionardyń meditsinalyq qyzmetterine aqy tóleý úshin 9 mln teńge jumsaldy. Úide emdeýdi ókpe 30% - dan aspaǵan kezde aýrý aǵymynyń jeńil túri bar patsientter alady. Kún saiyn ýchaskelik dárigerler olardyń jaǵdaiyn baǵalaý úshin qońyraý shalady, kem degende úsh kúnde bir ret beine keńes beriledi, qajetti rásimder de kórsetiledi. Eger jaǵdai nasharlasa, mysaly, úsh-bes kún ishinde temperatýra tómendemese, tynys alý jáne tahikardiia joǵarylaidy, naýqas aýrýhanaǵa jatqyzylady. Bul qyzmetter osy jyldyń shilde aiynan bastap halyqqa qoljetimdi boldy.
Sol kezeńnen bastap mobildi brigadalar jumysyn bastady. Olardyń qyzmetterin tóleý úshin shildeden qyrkúiekke deiin Qor 1 mlrd teńgeden astam qarajat baǵyttady. Emhananyń árbir shaqyrýy úshin 5400 teńgeden alady, osylaisha úsh aida 190 myńnan astam shyǵý oryndaldy. Mobildi brigadanyń quramyna dáriger jáne / nemese medbike, keide beiindi maman kiredi. Mobildi brigadalar patsientti alǵashqy qarap-tekserýdi júrgizedi, onyń jai-kúiiniń aýyrlyq dárejesin baǵalaidy, Sovid-19 simptomdary bolǵan kezde PTR-testke material alady, pýlsoksimetriia júrgizedi, kórsetilimderi kezinde rentgenografiiaǵa nemese kompiýterlik tomografiiaǵa joldama bere alady, dárilik zattardy taǵaiyndai alady. Aita ketý kerek, óńirlerde osyndai 3000-nan astam brigada qurylǵan.
PTR diagnostikasyn júrgizýge 19 mlrd teńgeden astam qarajat bólindi. Naýryzdan qyrkúiekke deiin júrgizilgen testileý úshin Qor 10,7 mlrd teńge tóledi. PTR-testileýden elimizdiń statsionarlarynda 222 024 qazaqstandyq, ambýlatoriialyq jaǵdaida - 708 124 adam ótti.
Meditsinalyq saqtandyrý qory tóleitin qyzmetterdiń sapasyn joǵarylatý úshin patsientter shaǵymdarmen jáne usynystarmen 1406 bailanys ortalyǵyna júginip, sondai-aq olardy Qoldau 24/7 mobildi qosymshasynda qaldyra alady.
