Oral-Atyraý tasjolynda jol apaty bolyp, alty adam kóz jumdy. Taǵy bir adam aýrýhanaǵa jetkizildi.
Batys Qazaqstan oblysy politsiia departamenti baspasóz qyzmetiniń habarlaýynsha, Toyota jáne Lada Priora avtokóligi soqtyǵysqan.
"Oqiǵa ornyna politsiia qyzmetkerleri jetti. Alty adam oqiǵa ornynda kóz jumdy, bir adam aýrýhanaǵa jetkizildi. Aldyn ala málimet boiynsha, apatqa aýa raiynyń qolaisyzdyǵy sebep bolǵan. Jolda kórý múmkindigi nasharlady. Oqiǵanyń mán-jaiy anyqtalyp jatyr", - dep málimdedi departamenttiń baspasóz qyzmeti.
Oqiǵaǵa bailanysty qylmystyq kodekstiń 345-baby "kólikti basqaratyn adamdardyń jol júrisi nemese kólikti paidalaný qaǵidalaryn buzý" boiynsha tergeý bastaldy.
