Qazaqstandaǵy Jeńil atletika federatsiiasynyń konferentsiiasynda Altai Kólginov Nur-Sultan qalalyq Jeńil atletika federatsiiasynyń prezidenti qyzmetine sailandy, – dep habarlaidy Nur-Sultan ákimdiginiń baspasóz qyzmeti.
QR Jeńil atletika federatsiiasynyń prezidenti Danial Ahmetov Qazaqstanda 7 jabyq jeńil atletika manejiniń qurylysy josparlanǵanyn, onyń biri 2020 jyly el astanasynda ashylýy kerektigin aitty. Astanada jeńil atletikamen turaqty ainalysatyndar sany - 2 000 adam shamasynda.
Elordalyq sportshylar osy jyly 9 altyn, 12 kúmis jáne 17 qola medal ielengen. Astanada atalmysh sport túrin damytý maqsatynda federatsiia «Naýryz Marafon», «Astana Marathon», «Adaldyq alańy» qaiyrymdylyq júgirisi», tanymal jattyqtyrýshy Q.Q.Jýanyshevty eske alýǵa arnalǵan respýblikalyq týrnir, «October Run Fest-2019» kúzgi júgirisi jáne basqa da sharalardy uiymdastyrǵan.
Elorda ákimi Altai Kólginov federatsiianyń senim bildirgenine alǵys aityp, jeńil atletikaǵa, onyń infraqurylymyna tiisti kóńil bólinetinin jetkizdi.
