قازاقستانداعى جەڭٸل اتلەتيكا فەدەراتسيياسىنىڭ كونفەرەنتسيياسىندا التاي كٶلگٸنوۆ نۇر-سۇلتان قالالىق جەڭٸل اتلەتيكا فەدەراتسيياسىنىڭ پرەزيدەنتٸ قىزمەتٸنە سايلاندى, – دەپ حابارلايدى نۇر-سۇلتان ەكٸمدٸگٸنٸڭ باسپاسٶز قىزمەتٸ.
قر جەڭٸل اتلەتيكا فەدەراتسيياسىنىڭ پرەزيدەنتٸ دانيال احمەتوۆ قازاقستاندا 7 جابىق جەڭٸل اتلەتيكا مانەجٸنٸڭ قۇرىلىسى جوسپارلانعانىن, ونىڭ بٸرٸ 2020 جىلى ەل استاناسىندا اشىلۋى كەرەكتٸگٸن ايتتى. استانادا جەڭٸل اتلەتيكامەن تۇراقتى اينالىساتىندار سانى - 2 000 ادام شاماسىندا.
ەلوردالىق سپورتشىلار وسى جىلى 9 التىن, 12 كٷمٸس جەنە 17 قولا مەدال يەلەنگەن. استانادا اتالمىش سپورت تٷرٸن دامىتۋ ماقساتىندا فەدەراتسييا «ناۋرىز مارافون», «Astana Marathon», «ادالدىق الاڭى» قايىرىمدىلىق جٷگٸرٸسٸ», تانىمال جاتتىقتىرۋشى ق.ق.جۋانىشەۆتى ەسكە الۋعا ارنالعان رەسپۋبليكالىق تۋرنير, «October Run Fest-2019» كٷزگٸ جٷگٸرٸسٸ جەنە باسقا دا شارالاردى ۇيىمداستىرعان.
ەلوردا ەكٸمٸ التاي كٶلگٸنوۆ فەدەراتسييانىڭ سەنٸم بٸلدٸرگەنٸنە العىس ايتىپ, جەڭٸل اتلەتيكاعا, ونىڭ ينفراقۇرىلىمىنا تيٸستٸ كٶڭٸل بٶلٸنەتٸنٸن جەتكٸزدٸ.
