Nur-Sultan qalasynyń ákimi Altai Kólginov LRT jobasy jaily aityp berdi, dep habarlaidy Baq.kz agenttigi.
"LRT jobasy boiynsha kelesi jumystar atqaryldy. Memleket basshysynyń tapsyrmasyna sáikes, jobany ońtailandyrý jumystary júrgizildi. Jolaýshylardyń qazirgi tańdaǵy sanyn eskere otyryp, joba aiasynda jyljymaly quramdy nemese poiyzdy 19-dan 12 birlikke deiin qysqartý múmkindigi qarastyryldy. Bul 40 mln AQSh dollaryn nemese 15 mlrd teńgeden astam qarjyny únemdeýge múmkindik beredi. Iaǵni, poiyzdardyń júrý intervaly qazirgi ýaqytta 3 minýttan 10 minýtqa deiin ózgertildi. Eger aldaǵy ýaqytta halyq sany kóbeietin bolsa, buny qaitadan qalpyna keltirýge bolady" - dedi Altai Kólginov Úkimet otyrysynda.
Ákimniń aitýynsha, sonymen birge, osy kezeńde 7 aialdama stantsiiasyn qysqartý qarastyryldy. Qazirgi ýaqytta 18 stantsiia bolsa, sony 11-ge deiin qysqartý kózdeldi. Osynyń nátijesinde jerasty jaiaý júrginshiler joly da qysqarady. Bul 110 mln AQSh dollaryn nemese 42 mlrd teńgeden astam qarajatty únemdeýge múmkindik beredi.
"Atalǵan sharalar jobanyń shyǵyndaryn 350 mln AQSh dollaryna nemese 135 mlrd teńgege deiin ońtailandyrýǵa septigin tigizedi. Buǵan qosa, qabyldanǵan sharalar nátijesinde, bastapqy eseppen salystyrǵanda zaimǵa qyzmet kórsetý boiynsha 1,2 mlrd AQSh dollary nemese 800 mln teńge biýdjet qarjysy únemdeledi. Osy máselelerdi eskere otyryp, jobany jalǵastyrý múmkindigi bar dep esepteimiz", - dedi Altai Kólginov.
