نۇر-سۇلتان قالاسىنىڭ ەكٸمٸ التاي كٶلگٸنوۆ LRT جوباسى جايلى ايتىپ بەردٸ, دەپ حابارلايدى Baq.kz اگەنتتٸگٸ.
"LRT جوباسى بويىنشا كەلەسٸ جۇمىستار اتقارىلدى. مەملەكەت باسشىسىنىڭ تاپسىرماسىنا سەيكەس, جوبانى وڭتايلاندىرۋ جۇمىستارى جٷرگٸزٸلدٸ. جولاۋشىلاردىڭ قازٸرگٸ تاڭداعى سانىن ەسكەرە وتىرىپ, جوبا اياسىندا جىلجىمالى قۇرامدى نەمەسە پويىزدى 19-دان 12 بٸرلٸككە دەيٸن قىسقارتۋ مٷمكٸندٸگٸ قاراستىرىلدى. بۇل 40 ملن اقش دوللارىن نەمەسە 15 ملرد تەڭگەدەن استام قارجىنى ٷنەمدەۋگە مٷمكٸندٸك بەرەدٸ. ياعني, پويىزداردىڭ جٷرۋ ينتەرۆالى قازٸرگٸ ۋاقىتتا 3 مينۋتتان 10 مينۋتقا دەيٸن ٶزگەرتٸلدٸ. ەگەر الداعى ۋاقىتتا حالىق سانى كٶبەيەتٸن بولسا, بۇنى قايتادان قالپىنا كەلتٸرۋگە بولادى" - دەدٸ التاي كٶلگٸنوۆ ٷكٸمەت وتىرىسىندا.
ەكٸمنٸڭ ايتۋىنشا, سونىمەن بٸرگە, وسى كەزەڭدە 7 ايالداما ستانتسيياسىن قىسقارتۋ قاراستىرىلدى. قازٸرگٸ ۋاقىتتا 18 ستانتسييا بولسا, سونى 11-گە دەيٸن قىسقارتۋ كٶزدەلدٸ. وسىنىڭ نەتيجەسٸندە جەراستى جاياۋ جٷرگٸنشٸلەر جولى دا قىسقارادى. بۇل 110 ملن اقش دوللارىن نەمەسە 42 ملرد تەڭگەدەن استام قاراجاتتى ٷنەمدەۋگە مٷمكٸندٸك بەرەدٸ.
"اتالعان شارالار جوبانىڭ شىعىندارىن 350 ملن اقش دوللارىنا نەمەسە 135 ملرد تەڭگەگە دەيٸن وڭتايلاندىرۋعا سەپتٸگٸن تيگٸزەدٸ. بۇعان قوسا, قابىلدانعان شارالار نەتيجەسٸندە, باستاپقى ەسەپپەن سالىستىرعاندا زايمعا قىزمەت كٶرسەتۋ بويىنشا 1,2 ملرد اقش دوللارى نەمەسە 800 ملن تەڭگە بيۋدجەت قارجىسى ٷنەمدەلەدٸ. وسى مەسەلەلەردٸ ەسكەرە وتىرىپ, جوبانى جالعاستىرۋ مٷمكٸندٸگٸ بار دەپ ەسەپتەيمٸز", - دەدٸ التاي كٶلگٸنوۆ.
