Nur-Sultan qalasynyń ákimi Altai Kólginov elordalyqtarǵa úndeý jasady, dep habarlaidy "Ult aqparat".
«Ózderińiz biletindei, elordamyzdyń aýdandaryn poliortalyq qaǵidaty boiynsha damytýdamyz. Bul degenimiz - qadamdyq jaqyn jerde ornalasqan áleýmettik nysandar, ýaqyt ótkizýge arnalǵan abattanǵan oryndar, infraqurylymy damyǵan, jasyl baqtary jáne t. b. bar qala.
«Áleýmettik jeliler men messendjerler arqyly qalany damytý boiynsha usynystaryńyz kelip túsýde. Bul bizdi qatty qýantady. Osy jumysty júieleý jáne elordany sizdermen birge damytý úshin «Birge» saity iske qosyldy», - dep jazdy ákim jelidegi paraqshasynda.
Saitta siz ár túrli baǵyttar boiynsha usynystar qaldyra alasyz.
«Apatty eski turǵyn úilerdi súrý, ekologiia, gazdandyrý, kógaldandyrý, qoǵamdyq keńistik, kóshelerdi jaryqtandyrý, janýarlardy qorǵaý, turǵyn úi-kommýnaldyq sharýashylyǵy, qurylys, bilim berý, qaýipsizdik, densaýlyq saqtaý, áleýmettik sala, ýrbanistika - qalalyq orta, biznes, kólik, sanitariialyq tazartý sekildi sanattar jeke berildi. Platformanyń jumys isteý protsesi qarapaiym: birinshisi - ideiany usyný, ekinshisi - irikteý, úshinshisi - jobany júzege asyrý. Turǵyndardyń eń jaqsy usynystaryn júzege asyramyz», - dedi ákim.
