Altai Ábibýllaev ózi jaily qaýeset taratqandardy zańmen qorqytty, - dep habarlaidy "Ult aqparat".
Qazaqstannyń Polshadaǵy elshisi bolǵan Altai Ábibýllaev ózi jaily qaýeset taratpaýdy surady.
"Men týraly qajetsiz kez kelgen qaýeset pen boljamdardan bas tartýlaryńyzdy suraimyn. Bul QR zańnamasymen qýdalanady", - dep jazdy ol Twitter jelisindegi akkaýntynda.
Eske salaiyq, osyǵan deiin Qazaqstannyń Polshadaǵy burynǵy elshisi Altai Ábibýllaevtyń sharýashylyq júrgizýshi sýbektiniń kommertsiialyq qyzmetine aralasýǵa árekettený túrinde memlekettik qyzmet týraly zańnamany buzǵany belgili bolǵan edi. Bul týraly Syrtqy ister ministrliginiń baspasóz qyzmeti habarlaǵan.
Al, 2017 jyly 1 naýryzda Memleket basshysynyń Jarlyǵymen Altai Ibragimuly Ábibýllaev Qazaqstan Respýblikasynyń Polsha Respýblikasyndaǵy Tótenshe jáne Ókiletti Elshisi qyzmetinen bosatyldy.
Osyǵan deiin elshini jaýapkershilikke tartý usynylǵan. Altai Ábibýllaev Qazaqstannyń Polshadaǵy elshisi bolyp 2016 jyldyń 11 mamyrynda taǵaiyndalǵan edi.
